Ngakube sewake wanomuntu empilweni yakho ,mhlawumbe ilunga lomndeni kumbe uzalo lwakini ,kumbe umuntu esenibe ngabangani isikhathi eside … futhi ebese uvese esigabeni lakhona uthi sekwanele kwanele manje ? 

Ngicabanga sonke sike saba nabantu abanjalo . Lelolunga lomndeni elivese libhimbise izinto .Uze ufunge uthi akusophinde ahlanganyele nathi ngoKhisimusi siwumndeni . Kumbe lowo wesifazane esenibe ngabangani iminyaka kodwa manje obonayo ukuthi usengomunye umuntu futhi usuwanele nguye manje .Ngakho mhlawumpe kwisigaba thizeni uyamsusa empilweni yakho ,mhlawumbe neyakhe engaboni kwakubona . Akusafanele phela konke lokhu ,sewanele manje !

Sifika kanjani kulesosigaba ? Kuba yini esibeka ekuhambeni kamnandi kobudlelwane ebese dukuduku sekumele siyobuhholokohlela kude le njengomlotha siwuqhelisa ukuphuquka egcekeni ? 

Mhlawumbe lokho kuzwakala kungabukhali ngokwanele kuwe . Mhlawumbe  kukufaka izinsensane emzimbeni.Kodwa mhlawumbe kungenzeka nalezinsensane ezikuvukelayo zidinga unako nazo ngokwazo  namhlanje .

Ngakho uma kungukuthi unohlobo olunjalo lobudlelwane empilweni yakho ,nasi isiBhalo okungase kwenzeke singesesikhathi kuwe namhlanje ,:

1 KwabaseKhorinte  13:7 Uthando lubekezelela izinto zonke, lukholwa yizinto zonke, luthemba izinto zonke, lukhuthazelela izinto zonke..

Akulona yini iqiniso ukuthi mina nawe sesibe yizingxaki ngaphezu kwenani esiyilo  ezimpilweni zabasizungezile ? Akulona yini iqiniso ukuthi sesihambe ebuhhedlehhedleni  ezimpilweni zethu ,lakhona singabanga ngabamnandi kwabasizungezile ? 

Nokho noma kunjalo kodwa lababantu abanye bayasibekezelela baphile nathi khona kunjalo.

Uthando lubekezelela izinto zonke, lukholwa yizinto zonke, luthemba izinto zonke, lukhuthazelela izinto zonke…

Yilo kanye iZwi likaNkulunkulu leli … Eliza kuwe li-Fresh namhlanje.