Ngakho ngicela ukukubuza ukuthi yini into  echukuluza ulaka kuwe isikhathi nezikhathi uzizwe usufutha ?Sonke sinazo izinto ezisicasulayo ,okuthi uma zike zasisukela ngiyakutshela wena kuba sengathi yimamba igxotshwe emsileni isiyala ukhasha inqwaphaza kwasani ,futhi impela uma sesichukuluziwe sidala inqwaba yomonakalo le . 

Mhlawumbe kungenzeka ungomunye wabantu abanemvelo ephansi ,kuwe ;ukuthukuthela akuyona into eyinkinga  kakhulu.Uma unjalo ,ewu ngiyakubongela ,mina cha imveloluntu  yami ayinjalo .Ngazalwa ngigcwele ukugcwala ukwazisa oku-right nokuwrong ngokungatotosi engqondweni yami futhi uma nje umuntu eke weqa umugqa omncane ohlukanisa okuhle nokubi kuvese kuphethuze izibawu emzimbeni  wami ngizwa kuluma umzimba wonke .Ngakho kimi ukufunda ukulawula ukuthukuthela kwami kuyinkonzo enkulu impela usuku nosuku.

Mhlawumpe wake wasizwa isisho esidala sesilungu esithi uma udiniwe wobala kuze kube ngu 10 andukuba uphendule kulesosimo  .Kodwa noma kunjalo njengokuba umdwebi u -Lucy wake wathi :ukubala uze ufike ku 10 kweza isenzo esicatshangisiswe kahle sokudinwa !

Ngakho, noma ngabe unenkambiso enjani emzweni wakho ngentukuthelo ,ithini impendulo uma lokho kugcwala  kokufutheka sekuthe phama kuwe wena owabona isele selisho ukuqhuma ,wenzenjani ? 

Amahubo  37:8 Pheza ukuthukuthela ;yeka ulaka ungakhathazeki-kubanga ukona nje 

Kunamagama asobala angajulile kodwa  ayisenzo esinamandla  – kulelovesi elifushane . Pheza  – kudedele kuhambe ,kuvumele kubaleke  (ngicabanga yilokho okwakushiwo yilesisisho sokubala uze ufike ku 10).

Okwesibili  yeka  lesosenzo  esingumuzwa obangwa wulaka , lomuzwa wokufuthelana usha  amashushu ufuna ukuziphindiselela . Ngamanye amazwi vese uqhele uhambe kulesisenzo .

Okokugcina ungakhathazeki , ngamanye amazwi ungavumeli ukushisa  kwamalangabi okudinwa kulokhu kufutheleka enhliziyweni yakho ,ngoba uma uqhubeka ulokhu ukotha kunomphumela owodwa kuphela : ukona qha .

Uma kungukuthi awuyibambanga kahle nansi :

Pheza ukuthukuthela ;yeka ulaka ungakhathazeki-kubanga ukona nje 

Yilo kanye iZwi likaNkulunkulu leli … Eliza kuwe li-Fresh namhlanje.