Enye yezinto embi esingayenza ngukukhuluma phezu kwabantu. Kumbe ukuvese sibambe ulimi lwethu ,yithi laba sesiphawula singahlaziyanga nobekushiwo futhi singenanhloso yokusho okunomqondo kodwa ngoba siqhutshwa ngukufuna ukukhuluma .

Angazi kuwe kunjani kodwa mina imvamisa ngiyakhuluma ngaphezu kokulalela. Ngicabanga yilokho engikwenzayo mangizihlawumbisela -kuzihlaziya mina . Ngikuthola kulula ukuhlanganisa umqondo ube ngamagama, lokho akungisindi ukukwenza . 

Kodwa ububi balesisipho sesitho esiwulimi ,ngukushisekela ukukhuluma phezu kokulalela . Bekungibiza ukufunda futhi ngiyaqhubeka ukufunda , ukukwazi ukuvala umlomo qede ngikwazi ukulalela ngenhloso yokuqonda – umsuka wokucabanga kwakhe , lokhu akushoyo empeleni . UNkulunkulu ukubeka kanje :

Izaga 18:13Obuyisa izwi engakwezwa ,kungubuwula nehlazo kuye.

Yeka umucu wenhlakanipho enothile kaNkulunkuylu ! Sizenze iziwula thina luqobo ngokuhlulela lokho okushiwo ngabantu singalalelisisi abakushoyo . Kuye kushiwo ukuthi ukulalela kungubuciko bokuguqula ukuhlulela kube ngukulangazelela . Kuliqiniso impela lokho .Inkinga yethu enkulu ngukuthi asinakho ukuhlabeka umxhwele ngalomuntu okhulumayo kumbe  asinandaba kwakuba nandaba nangakushoyo.

Kodwa ngesikhathi sesiqala ukuhlabeka umxhwele ngabo ,sesiqala ukulalela inhliziyo yabo , ngiyakutshela lokho kuletha ukukhanya ,kudephisa kunothise ingxoxo yenu .Itulo la ngukukwazi ukuthula isikhathi eside ngesikhathi  bexoxa lokho kudala ukulangazelela ,esikhundleni sokuhlulela .Manje … 

Bavumele abantu baqede ukukhuluma andukuba uzame ukuqala ukubaphendula . Ngokwenze njalo awuyikuzihlaza ubukeke uyisiwula .

Yilo kanye iZwi likaNkulunkulu leli … Eliza kuwe li-Fresh namhlanje..