Ukumukela ukuqondiswa nokulungiswa akuyona into imvamisa sonke esilula ukuyijabulela . Nokho othola ukuthi yikho lokhu kuqondiswa nokulungiswa okuholela ekuphileni impilo ekugcwaleni kwayo . 

Ake ucabange wonke amaphutha owenzile empilweni yakho .Maningi impela angithi ? Futhi imiphumela yawo igcina izwakala ekuhambeni kweminyaka ,hleze nanamhlanje .Nami ngiyakwazi lokho . 

Kodwa bekungathiwani uma singazange sawenza lawomphutha kwakhona ekuqaleni ? Bekuzoba njani uma kungukuthi besibalalele abazali bethu ,abaholi bethu ,abasibumbayo ngekusasa  … uNkulunkulu uqobo qede sisizakale ukujomba izinto ebezingenza singene emaphutheni alimaze impilo yethu ?

Nebala ngeke sikwazi ukuguqula izolo .Okwenzekile sekwenzekile. Kodwa singakuguqula ukuziphatha kwethu  mayelana nokuqondiswa nokulungiswa kusuka manje kuya phambili.

Amahubo  19:7,8 Umthetho kaJehova uphelele uvusa umphefumulo ;ukufakaza kukaJehova kuqinisile ,kuhlakaniphisa oyisiwula .Imiyalo kaJehova ilungile,ijabulisa inhliziyo,umyalezo kaJehova uhlanzekile ,ukhanyisa amehlo .

Imibuzo engiqhubeka ngizibuza yona ngibuza uNkulunkulu usuku nosuku uma  ngifunda iBhayibheli yilena : Nkosi kukuphi la ngiphazama khona ? Yimaphi amathunzi asitha impilo yami ?Ngingenza kanjani kangcono ukuba ngibe yilowo ongidalele ukuba nguyena ?

Angikaze ngibe nenhliziyo efundisekayo , okungakho kwezinye izinsuku ngithwala kanzima . Nokho nakhu engikutholile endleleni ;engathenjwa Yena . Wenza iziwula zihlakaniphe . Imiyalo yakhe mihle futhi konke lokho kuholela empilweni engcono .

Yilo kanye iZwi likaNkulunkulu leli … Eliza kuwe li-Fresh namhlanje..