Kila asubuhi, mama yangu mzazi alipenda kusoma uaguzi wa nyota kwenye gazeti. Ni jambo ambalo huwa tunalijadili mara nyingi tunapokuwa tunakunywa chai asubuhi.  Kwani kuna ubaya wowote katika hilo?

Kwani, Kuna ubaya wowote kusoma mambo yahusuyo nyota?  Jibu ni kwamba ni chukizo kwa Mungu kwasababu kunatufanya tuweke imani yetu katika kitu kingine tofauti na yeye. 

Pia, maswala ya bahati, nasibu,.. na mifumo mingine mingi ambayo inaonekana kwamba haidhuru lakini mizizi yake imetoka kwenye imani zingine zinazovuta watu waweke tumaini lao pengine na si kwa Mungu mwenyewe. 

Nebukadreza alikuwa mfalme wa Babeli.  Alikuwa ametafuta waganga, wapiga ramli, watabiri.  Pia alijenga sanamu kubwa ya dhahabu kwa sura yake akilazimisha watu wote waiinamie na kuiabudu.  Lakini baada ya kukutana na Danieli na rafiki zake kimiujiza, maisha yake yalibadilika mno hadi akafikia maamuzi haya: 

Danieli 4:34,35  Hata mwisho wa siku hizo, mimi, Nebukadreza, nikainua macho yangu kuelekea mbingu, fahamu zangu zikanirudia, nikamhimidi Yeye aliye juu, nikamsifu na kumheshimu Yeye aishiye milele; kwa maana mamlaka yake ni mamlaka ya milele, na ufalme wake hudumu toka kizazi hata kizazi; na watu wote wanaokaa duniani wamehesabiwa kuwa si kitu, naye hufanya kama atakavyo, katika jeshi la mbinguni, na katika hao wanaokaa duniani; wala hapana awezaye kuuzuia mkono wake, wala kumwuliza, Unafanya nini wewe? 

Hili ndilo Neno la Mungu safi na lenye afya kwa ajili yako leo.