Sawa, sasa leo … leo kabisa; tunataka kupambana moja kwa moja na siasa ya usahihi wa kisasa. Tena tutatumia Neno la Mungu lenyewe.  Hapo ndipo kuna mvutano mkubwa kati ya mtazamo wa kibiblia na mtazamo wa ulimwengu wa leo usiomcha Mungu.

Kwahiyo, nafasi ya mwanamke katika ulimwengu wa leo ni ipi?  Inategemeana na nchi unayoishi.  tamaduni mbalimbali zina mitazamo tofauti-tofauti kuhusu mada hii.  Lakini zaidi na zaidi, wanawake wanajaribu kufanya kazi mbili – wanaajiriwa na wanatunza mambo ya nyumbani pia. 

Jana tulijadili swala la wanawake wazee – kuwa kielelezo cha kuigwa kwa ajili ya wanawake vijana katika jamii, kuwafundisha yaliyo mema.  Lakini sasa tumefikia maneno yasiyoendana na siasa ya leo, yaani yanaenda kinyume kabisa ya mtazamo ule: 

Tito 2:5  Na kuwa wenye kiasi, kuwa safi, kufanya kazi nyumbani mwao, kuwa wema, kuwatii waume zao wenyewe; ili neno la Mungu lisitukanwe. 

Zamani, kwenye karne ya kwanza baada ya Kristo, nafasi ya mwanamke ilikuwa ndani ya nyumba; kupika chakula, kufanya usafi, kuzaa watoto na kuwalea.  Mazingira yamebadilika sana tangu siku hizi.  Kwahiyo … tufanyeje sasa!, au tuutumiaje msatari huu katika karne  hii ya 21, mmh … ? 

Hata kama mazingira yamebadilika sana, wanawake bado wana nafasi kubwa katika maisha ya familia.  Mimi, kama mume, ninapenda kumhudumia mke wangu.  Na yeye, kama mke, akiwa mke wangu, anapenda kunihudumia pia. Tunatofautiana kila mmoja katika kumhudumia mwenzake, lakini bado tunahudumiana, tunajaliana kama vile ilivyokusudiwa. 

Kwahiyo, akina mama, muwe na busara, muwe safi, tunzeni vizuri nyumba zenu, muwe wafadhili mkiwa tayari kuwahudumia waume zenu. 

Hili ndilo Neno la Mungu safi na lenye afya kwa ajili yako leo.