Imewahi kunitokea maishani mwangu (bila shaka na hata kwako pia) furaha ya Bwana, ni kama imetoweka. Yesu alisema na akafanya kama alivyosema ili tuwe na furaha tele.   

Hakuna jambo lenyekutuwezesha kama furaha ya Bwana.  Ndio, mtu anaweza kuwa na furaha kiasi, kama mwitikio wa hisia zake kulingana na mazingira yake.  Mfano, mambo yakienda sawa mara nyingi huwa tunafurahi; na yasipoenda sawa, tunahuzunika.  Lakini furaha ya Bwana ni kama chemchemi ya maji ya uzima unayobubujika kutoka ndani, si kwa sababu tumeitengeneza sisi wenyewe, lakini ni kwasababu kila mtu anayemwamini Yesu, mito ya maji ya uzima lazima itoke kwenye kiini cha nafsi yake, amina? 

Nikikwambia hayo mimi, labda inaweza kukutikisa kidogo tu.  Lakini Mungu mwenyewe anakwambia kupitia Neno lake, Roho Mtakatifu atakukumbusha na kukuburudisha kwa namna maneno ya binadamu wenzako hayawezi kufanya hata siku moja. 

Wafilipi 3:1 Hatimaye, ndugu zangu, furahini katika Bwana.  Kuwaandikieni mambo yale yale hakuniudhi mimi, bali kutawafaa ninyi. 

Mimi pia ninajisikia kama vile Mtume Paulo katika mistari hiyo.  Mara nyingi narudia mada hii nikikwambia habari ya furaha ya Bwana ili uwe tayari kukabiliana na changamoto zote za maisha haya. 

Si kwamba hakuna mada zingine ambazo tungejadili leo!?, hapana, ni kwamba, furaha ya Bwana ni muhimu sana, yaani ni ya ajabu … kwa hiyo hainiudhi kurudia-rudia 

Furaha ya Bwana ni nguvu yako.  Nataka kuhakikisha kwamba uko tayari kupambana! 

Hili ndilo Neno la Mungu safi na lenye afya kwa ajili yako leo.