tunapopambana na vipindi vigumu, tunapoona maishani mwetu matokeo ya dhambi zetu, ni rahisi kufikiri kwamba Mungu anafurahia namna  tunavyosumbuka.  Lakini hii si kweli hata kidogo.

Wazo linatafsiriwa kutoka kwenye neno la Kijerumani schadenfreude – yaani furaha ya kuona mtu anapewa matokeo anayostahili kwa maovu aliyoyatenda – nadhani ni kitu sisi sote tumepitia.  Anastahili adhabu hiyo!  Si kweli?  Lakini wazo hilo kamwe halijaingia kwenye mawazo ya Mungu. 

kama tulivyoona jana, hata kama ataleta matokeo ya dhambi zetu juu ya maisha yetu, moyo wake daima unatafuta ukombozi.  Anataka kutukumbatia tena.  Anataka kutubariki tena kwa upendo wake, kama vile baba mzazi mwema anavyoweza kufanya. 

Hili ni lengo lenyewe analokusudia kwaajili ya watu wake akiwaambia kupitia nabii Yoeli: 

Yoeli 2:25-27 Nami nitawarudishia hiyo miaka iliyoliwa na nzige, na parare, na madumadu, na tunutu, jeshi langu kubwa nililotuma kati yenu.  Nanyi mtakula chakula tele na kushiba, na kulihimidi jina la BWANA, Mungu wenu, aliyewatendea mambo ya ajabu; na watu wangu hawatatahayari kamwe.  Nanyi mtajua ya kuwa mimi ni katikati ya Israeli, na ya kuwa mimi ndimi BWANA, Mungu wenu, wala hakuna mwingine; na watu wangu hawatatahayari kamwe. 

Rafiki yangu, nisikilize.  Ikiwa wewe, kwa sababu ya dhambi zako, umeenda mbali na Mungu;  au umejikuta kwenye hatari, basi leo Mungu anaongea na wewe kuhusu upendo wake wa ukombozi.  Leo hii, Mungu anakuita urudi kwake. 

Hili ndilo Neno la Mungu safi na lenye afya kwa ajili yako leo.