Uma ubuka ungaphandle kunokwenzeka ukuthi uzitshele ukuthi hhayi ukukholwa yindaba kaJesu kuyi –risk .Kwabaningi lendaba yokholo iwukuphumputha ebumnyameni.Wena uthini owakho umcabango  ?

Angisho ukuthi ngake ngangabaza ukuthi ngizinikele yini kulendaba yamaKhrestu noma cha .Ingqondo yayithi zizothini izimfuno azozifuna kimi loJesu .Ekaze akayikungithumela yini ekupheleni komhlaba ngihambise ivangeli [okuyinto kimi enganginkamunkamu ngayo ,yayingezwakali impela ]  ?

Nawe uma kungukuthi umlandele uJesu ,nakanjani angingabazi zikhona izikhathi zezivivinyo zokuzizwa sengathi uphumputha indlela ebumnyameni , uzibuze ukuthi “engabe  kwenzakalani ingempela? Ingani yonke lendaba ,ngakube kunalo inani ukuqhubeka kwami nalolubizo?” Konke lokho kwenziwa ngukuthi ungabazane luyi-package yohambo lokukholwa ,kubanezikhathi lakhona ufise ukubuza ukuthi ngabe nguye yini uMesiya lowo  noma cha . Phela ekugcineni kwakho konke uma bewazi ukuthi izinto zizoba kanjani ubungeke uludinge ukholo ,lukhona khona lokho kanye esingakwazi . 

Kodwa icebo likaJesu lihluke ngamalengiso kulokho kwethu ,akakaze akuhlose ukusigcina sisebumnyameni siphumputha :

NgokukaJohane  12:44-46 Khona uJesu wamemeza wathi: “Okholwa yimi kakholwa yimi kepha ngongithumileyo.  Obona mina ubona ongithumileyo.  Ngize ezweni ngingukukhanya ukuba yilowo nalowo okholwa yimi angahlali ebumnyameni.

Wakusho kanjani lokhu ? Wamemeza.Wathini?  “Ngize ezweni ngingukukhanya ukuba yilowo nalowo okholwa yimi angahlali ebumnyameni.”

Kubukeka kuwukuthi ukuthatha igxathi ukholwe nguJesu akukhona ukuphumputha ebumnyameni kodwa yigxathi lokungena ekukhanyeni !

Yilo kanye iZwi likaNkulunkulu leli … Eliza kuwe li-Fresh namhlanje.