Uma sekushuba empilweni ,uma sizithola sisendaweni ebesingazithande ukuba kuyona ,kulula ukufikelwa wumqondo othi ,ndlelana thizeni asikho ecebweni likaNkulunkulu .Emva kwakho konke impumelelo ilingana nezibusiso zikaNkulunkulu ….akunjalo?

Angazi noma sewake wabhabhathiswa ,kodwa mina  okwami ukubhabhathiswa kwabe kuyinto eyabe icacile isobala.Ungangizwa kabi ,kwabe kuyisigaba esikhethekile kakhulu kimina  kodwa kwabe …kuyinto ejwayelekile nje .Bese kuthi ngakolunye uhlangothi ngesikhathi uJesu ebhabhathiswa sitshelwa ukuthi …..

NgokukaMathewu  3:16,17 … UJesu esebhapathiziwe wakhuphuka masinyane emanzini; bheka, izulu lavuleka, wabona uMoya kaNkulunkulu ehla njengejuba, eza phezu kwakhe. Bheka, kwavela izwi ezulwini, lithi: “Lo uyiNdodana yami

ethandekayo engithokozile ngayo.”

Kuyinto engakholakali ! Uma kungathiwa kwabe kuyimina ngangovese ngithi , “Nazo-ke ! Sengisondele ngesivinini ,ukungena empumelelweni yoMbuso kaNkulunkulu” .

Kodwa okwenzeka eduze kukaJesu kuyangimangaza kakhulu ,ake ulalele indlela uMarkhu akubeka ngayo :

NgokukaMathewu  4:1 Khona uJesu waholelwa nguMoya ehlane ukuba alingwe nguSathane.

Kahle hle kubekeka kangcono kwathi ukuthamba lana, kodwa ngokomsuka walenkulumo olimini lwesiGrekhi  njengokuba kwakubhalwe ngalo ,lona luthi uMoya kaNkulunkulu wamhambisa wamphonsa ehlane.Ngakho ukusuka kulombhabhathiso lakhona uNkulunkulu eziveza…aphindwe ahanjiswe aphonswe ehlane yiloNkulunkulu ofanayo ,ukuba ayolamba ,abe yedwa abe buthathaka ,abe ntekenteke,alingwe nguSathane .Kuyimpicabadala enkulu le.Akuyona into obungayilindela le.

Kodwa uthola ukuthi yikhona kanye uNkulunkulu akwenza ngeNdodana yaKhe ,into le okumele uyigcine engqondweni yakho ezikhathini lakhona uyobe uhamba ezikhisini ezimaholoholo ezihlabayo.

Izinhlelo zikaNkulunkulu azihlali zimnandi zintofontofo ,kodwa zi-perfect .

Izindlela nemicabango yethu ayifani nekaNkulunkulu ,inokwehla nokwenyuka ,injalo, kodwa ihlale igcwele ukumangazana ekugcineni. Yilona kanye iZwi likaNkulunkulu leli … Eliza kuwe li-Fresh namhlanje..