Ngesikhathi ngikhula ngangingavumelekile ukusebenzisa igama ‘ukuzonda’.Ngangivunyelwe sanhlobo ukuzonda umuntu .Kwakungumyalo oqinile ongenakweqiwa ekhaya.Ngisho ukuthimisela ngento ethize ukuthi ngiyakuzonda lokhu ,ngikuzondile lokhuya .

Le yinkambiso enhle abazali bami abangikhulisa ngayo ebukeka iyisidala namhlanje ,komabonakude nakwi media ngokuhlukana  kwayo iyadunyiswa inzondo  – ngisho nangendlela abantu abaphila ngayo izimpilo zabo .

Ngingakubuza namhlanje yiziphi lezizinto ozizondayo ? Ngoku-serious. Futhi uma sidepha ,ngibuze ukuthi yimuphi umuntu empilweni yakho omzondayo? Lowo ngumbuzo o-serious ngokudlulele. Isizathu ngibuza yilesi :

1 EkaJohane 4:19,20Thina siyathanda, ngokuba yena wasithanda kuqala.  Uma umuntu esho ukuthi: “Ngiyamthanda uNkulunkulu,” kepha ezonda umzalwane wakhe,

ungumqambimanga; ngokuba ongathandi umzalwane wakhe ambonileyo angemthande uNkulunkulu angambonanga.

Kubukeka ekugcineni ukuthi inzondo kwakungesiyo into enqatshwa ngabazali kuphela kodwa noNkulunkulu naYe ushaya phansi ngonyawo akayifuni noma ayibone .Kungani? Yingoba uNkulunkulu uluthando .Yingoba lakhona uNkulunkulu owayenelungelo lonke lokujezisa abanjengami nawe ,ngenxa yokumhlubuka kwethu nangesono,lakhona wayenelungelo lonke ukusizonda,ngoba kuyithi esamzonda kuqala ,kunalokho Yena wathumela iNdodana yaKhe uJesu ukuzosihluphekela asifele  . Thina siyathanda, ngokuba yena wasithanda kuqala.  . 

Futhi hle hle akushoyo la ngukuthi asikwazi ukuzibiza ngabantwana baKhe  ngakolunye uhlangothi,sibe sizonda omunye umuntu ngakolunye .Hle hle ukukwenza lokho usitshela ukuthi kungukuzonda Yena uqobo . 

Yilona kanye iZwi likaNkulunkulu leli … Eliza kuwe li-Fresh namhlanje..