IPhasika selisondele kakhulu .futhi ngesikhathi sisakhuluma ngayo lemigubho ,noma ngabe usebenzisa liphi igama ngayo ,mhlampe ngokunganaki ,ngakube lizobe lichazani kuwe? Ngakube kwakhona umqondo liyawakha?

Kimi ,esikhathini eside lalingawakhi umqondo .Ngamafuphi lichazeka kanje : iNdodana kaNkulunkulu ,uJesu ,efa ukusikhokhela izono zethu ,ezami nezakho.Emva kwalokho wavuka ukuze asiphe ukunqoba phezu kokufa nokusipha isipho esingunaphakade samahhala kunoma ubani oyikholwayo lendaba yePhasika.Yilokho qha.

Into eyayivamise ukungikhathaza kakhulu ,yilomqondo ongezwakali kahle …lo wokuthi kwakungani ingempela uNkulunkulu athumele iNdodana yaKhe izobhekana nokuhlupheka ngokufa esiphamabanweni ngenxa yezono zami? Uma kuwukuthi ngonile ngaleyondlela emacakacaka kungani ngingaziyeli kuNkulunkulu ngifike ngithi kuYe: “ Eyy Nkulunkulu sekuvese konakala la kimi,ngiyaxolisa impela” .Nakanjani uNkulunkulu angavese angithethelele .Akuyona into engawakhi umqondo leyo .

Nginomhlobo owake walahlekelwa yi-drivers licence yakhe ngenxa yejubane kweqe .Ngiye ngizibuze ukuthi ukuba mhlawumbe wavese waya ngqo eJajini wathi : “Ey Judge ngiyaxolisa” ,ukuthi ngakube i-judge lalizovese limthethelele.Lokho akusiyona into esingathi ebifanele .

Phela nebala ayifanele ngoba ubulungiswa buhlale njalo budinga inhlawulo ukuze izinto zibuyele esimweni,kungaba yinhlawulo yokulahlekelwa yi-licence yakho ,ukuya ejele  okwesikhathi esithile…kumbe kusengaba ngisho nawukulahlekelwa yimpilo yakho uqobo. 

1 EkaJohane 3:5 Senazi ukuthi yena wabonakaliswa, ukuze asuse izono; akukho sono kuye.

Ngakho esikhundleni sokuba kube yithi esithwala ubuhlungu besijezo esidingwa wubulungiswa bukaNkulunkulu ,uNkulunkulu wasibuka ,qede wanezinseka ngathi  okungakho wathumela iNdodana yaKhe esikhundleni sethu ,ukuze asuse izono zethu ngenhlawulo yayo.

Ubulungiswa bufuna inani lenhlawulo .UJesu walikhokha lelonani ngenxa yami nawe.Yilona Phasika lelo.

Yebo yilona kanye iZwi likaNkulunkulu leli … Eliza kuwe li-Fresh namhlanje..