Elinye lamaphutha amakhulu esingawenza ekukholweni nguJesu,ekubizweni ngokuthi  singaMaKhrestu ,ngukuguqula ubudlelwane obakhelwe impilo ende ,yebo ingunaphakade ,qede thina sibenze inkolo; kugcine sekuyinto nje yokulandela umfuma wezinqubo  ezithile .

Singakuqinisekisa ukuthi kunezinqubo noma zibonakala noma zingabonakali ;zikhona kubo bonke ubudlelwane . Kunezinqubo emshadweni ukuthi unkosikazi nendoda baphathane kanjani . Nakanjani kunezinqubo mayelana  nokuthembeka –Angizikhiphi  nomunye wesifazane .Izinto ezinjalo ezisobala . 

Kodwa uma umshado usuphenduke inqwaba yemithetho nezinqubo  ngoba kuyikho okumele ukwenze ,sekuwuhlobo luni lomshado lolo? Uthando selumelwe ukuphoqeka . Ubudlewane….sebuyini ke manje ?

Futhi nebala yikhona nebala lapho khona uhambo lokholo  lwabaningi luphela khona . U-A.W. Tozer uyibeka kanje :

UsoSayensi wesimanje ulahlekelwe nguNkulunkulu ephakathi nakho ukumangazwa ngukwakheka komhlaba kaNkulunkulu ; Thina MaKhrestu sisengozini yokulahlekelwa nguNkulunkulu siphakathi eZwini likaNkulunkulu 

Yingozi enkulu leyo esingayenza  – ukufunda iZwi likaNkulunkulu ngokusengathi yinqwaba yemithetho ethiwe fuh kuwe esikhundleni sokumkhonza ngothando oluvela kuYe.Emkhulekweni waKhe uJesu waseGetsemane ,lowo ovelele ,awukhuleka andukuba aboshwe ;ubeka kanje :

NgokukaJohane  17:3 Ukuphila okuphakade yilokhu ukuba bazi wena Nkulunkulu wedwa oqinisileyo, nomthumileyo, uJesu Kristu.

Qaphela ukuthi akayichazanga impilo yengunaphakade njengo-kwazi ngoNkulunkulu , kodwa ukwazi uNkulunkulu.Ngamanye amazwi ukuba nobudlelwane noNkulunkulu obujulile kwingaphakathi lethu.Futhi ingunaphakade liqala khona la ,yebo manje impela .

Mazi uNkulunkulu !

Yilo kanye iZwi likaNkulunkulu leli … Eliza kuwe li-Fresh namhlanje..