Imizwa yenhliziyo iyingxenye enkulu yesiyikho ,nembala .Kodwa ingalimaza ,ngiyakutshela wena ingachitha  isaphaze kwasani  qede singene kwezinkulu izinkinga lezi .

Sikhulumile ngalokhu izolo ,njengokuba  uNkulunkulu ekhulumile ngeZwi lakhe , ukuqhubeka senza okuhle ebusweni bakho konke okubi okusizungezile .Ukuma ukuphendula ngokubi kunalokho sibe ngaba zinzile la sikhona siqinile ,sincike kuYe siqhubeka phambili kwesikwenzayo ebuhleni esikubona .

Kodwa lokho kunzima ,akunjalo ? Kungokunye ukusho ukuthi , “Ungabi nandaba nabantu ababi ababukeka bephumela ,wena nje qhubeka wenza okuhle  kuNkulunkulu ,” kodwa kungokunye ngempela ukukuphila lokho empilweni yongokoqobo .Mina ngokwami ngiyaludinga usizo ngalokho ,kuwe kunjani ? … “lolo sizo”  

Ihubo  37:5-9 Nikela indlela yakho esandleni sikaJehova umethembe ,yena uzakukwenza .Uzakuhlaukisa ukulunga kwakho  njengokukhanya nokufanele wena njengemini .Thula phambi kukaJehova ulindle Yena ;ungakhathazeki ngonenhlanhla endleleni yakhe ,ngomuntu osongoza amacebo amabi .Pheza ukuthukuthela ,yeka  ulaka ungakhathazeki ;kubanga ukona nje .Ngokuba ababi bazakuchithwa ,kepha abalindela uJehova bazakudla ifa lomhlaba .

Lusizo luni lolo ?  UNkulunkulu uqobo lwakhe . Ungancika kuYe.Uyokusiza .Uyovese enze ukuthi ukukhanya kwakho kukhanye ebumnyameni .Ngakho …manje ? Ngingasaphenduli ?! Ungayivumeli imizwa yenhliziyo yakho ikuxove ikugwamande  .Ungadinwa ungaphatheki kabi .Ungadonseleki ebubini babo .

Ungayigcina ilokhu iqashiwe imizwa yenhliziyo yakho qede uphephe , ngoba uNkulunkulu wakho uthembekile .Methembe  !

Yilo kanye iZwi likaNkulunkulu leli … Eliza kuwe li-Fresh namhlanje.