Kardiovaskulêre siektes – hoofsaaklik hartaanvalle en beroertes – is verantwoordelik vir een derde van alle sterftes. Dit sal vandag, môre, die volgende dag en elke dag vir die res van die jaar, 51 000 mense se dood dwarsdeur die wêreld veroorsaak.

En hierdie hartsiektes, of CVD’s, soos dit bekendstaan, word gesien as is ‘n neweproduk van die Westerse leefstyl wat die wêreld oorgeneem het: Kyk na ons leefstyl! Wat eet ons? Hoogs verwerkte voedsel. Hoeveel oefening doen ons? Nie veel nie – ons kan seker in ‘n minder mate, ons toenemende sittende bestaan blameer. En weet jy, aan die begin van die 20ste eeu, was hartsiektes byna onbekend.

Dus, as ons net al daardie verwerkte voedsel vervang met vars, heel kosse – kosse wat ons kan herken as regte vrugte, groente, vleis en vis, eerder as kos wat uit blikkies, flesse, bokse of pakkies kom – sal sekerlik miljoene lewens gered word.

Dis regtig tragies. Maar weet jy, daar is ‘n baie ernstiger vorm van hartsiektes wat lewens vernietig. Dis daardie soort wat Adam en Eva, baie goed leer ken het nadat hulle van die vrugte, wat God hulle verbied het om van te eet, geëet het. Jesus het dit so gestel:

Lukas 6:45 Die goeie mens bring die goeie te voorskyn uit die oorvloed goeie dinge in sy hart, en die slegte mens bring die slegte te voorskyn uit die oorvloed slegte dinge. Waar die hart van vol is, loop die mond van oor.”

So, in watter toestand is jou hart? Het jou lewenstyl dalk die goedheid waarmee God jou hart wou vul, vervang met die verwerkte boosheid van die wêreld en sy weë? En watter veranderinge moet jy vandag maak om dinge reg te stel? Die goeie mens bring die goeie te voorskyn uit die oorvloed goeie dinge in sy hart, en die slegte mens bring die slegte te voorskyn uit die oorvloed slegte dinge.

Dit is God se Woord. Vars … vir jou … vandag.