Kawaida maisha huwa yanaendelea tu, mtu akifanya kazi ile ile siku baada ya siku.  Kama vile mshauri wangu mmoja mwenye busara anavyopenda kusema, Kuna siku zingine inabidi uendelee kujikokota kwa ajili ya Mungu.  Lakini kuna wakati utajikuta unasimama mbele ya ukuta mrefu.

Sasa, inapotokea hivyo mtu afanye nini?,  Hii ilitokea zamani wakati Yesu alipokuwa hapa duniani.

Yohana 2:1-3  Na siku ya tatu palikuwa na arusi huko Kana, mji wa Galilaya; naye mama yake Yesu alikuwapo.  Yesu naye alikuwa amealikwa arusini pamoja na wanafunzi wake.  Hata divai ilipowatindikia, mamaye Yesu akamwambia, Hawana divai.

Yaani ilikuwa aibu!  Ebu fikiria kutindikiwa vinwaji siku ya arusi!  Na kama ulishasoma habari hiyo, ni kama Yesu hakujali saana.  Halafu kama mwana mwema, alifanya kama mama yake mzazi alivyoomba.  Cha ajabu sasa!  Alibadilisha maji kuwa divai, tena si machache, lakini karibia galoni 150 ya divai!

Tunajifunza nini hapo?  Tunataka kuelewa nini kutokana na muujiza huu wenye uwezo wa kutusaidia katika maisha ya kila siku?  Mimi ninaona hivi:  Kila muujiza ndani ya Biblia ulianzia kwenye tatizo fulani.  Baadaye, Mungu anaingilia kati na uwezo wake wa ki-Mungu na kubadilisha mfumo wa kawaida ili aonyeshe uwezo na utukufu wake.

Kwa vyovyote, endelea kujikokota mbeleni taratibu taratibu kwa ajili ya Mungu. Lakini utakapokumbana na ukuta ule mkubwa, yaani tatizo lisilotatuliwa, basi mwambie Yesu kwamba umetindikiwa divai … halafu wewe subiri matokeo! 

Hili ndilo Neno la Mungu safi na lenye afya kwa ajili yako leo.