Sijui kama umeshawahi kuzalilishwa, kukataliwa na kudhihakiwa kwasababu ya kumuamini Yesu, lakini acha nikwambie, si jambo linalopendeza. Lakini hata hivyo, ukitafakari kidogo si jambo la kushangaza.

Bila kupendelea, hebu tuchunguze neno la msingi la imani ya Kikristo; kwamba sote tumetenda dhambi, kwahiyo hatuwezi kustahili kukubaliwa na Mungu.  Lakini alitupenda kiasi cha kumtuma Yesu kufa msalabani kulipa deni la dhambi zetu, ili amwaminiye yeye aweze kuoshwa machoni pa Mungu na kuishi naye milele mbinguni. 

Lakini kama wewe ni mtu wa kawaida anayepambana na maisha, mtu ambaye hajapata kusikia vizuri habari za Ukristo kwa ujumla … imani hiyo ya msingi ni jambo geni kabisa lakushangaza mno.  Mbona mimi sijawa mbaya sana.  Isitoshe, kama Mungu ananipenda, kwanini asinisamehe tu?  Kwanini kuchukua hatua kali hiyo ya kusababisha Mwanae auawe kwasababu ya makosa yangu? 

1 Wakorintho 1:18,19  Kwa sababu neno la msalaba kwao wanaopotea ni upuzi bali kwetu sisi tunaookolewa ni nguvu ya Mungu.  Kwa kuwa imeandikwa, Nitaiharibu hekima yao wenye hekima, na akili zao wenye akili nitazikataa. 

Kwakweli, haieleweki kabisa. Ndio maana wengi wanaipinga! Ndio maana watu wanaweza kufikiri kwamba wewe ni mjinga kwa kuiamini. Ndio maana wanakudhalilisha, na kukukataa na kukutukana. 

Lakini kwako wewe, kama kweli unaamini, unaokoka siku baada ya siku kupitia imani yako ndani ya Yesu.  Kwahiyo, ulimwengu unapokupigia kelele na kukuzomea kwamba umerukwa na akili, kuna jambo moja tu la kufanya.  Shikilia msalaba. 

Hili ndilo Neno la Mungu safi na lenye afya kwa ajili yako leo.