Je!,Umewahi kujikuta kwamba imani yako inaanza kupungua?, Mwanzoni, yaani zamani, ulikuwa unawaka moto kabisa kwa ajili ya Bwana.  Lakini moto ule umefifia, umebaki kama kaa tu na wakati mwingine ni kama majivu matupu.

Siku zilizopita, mwanamke fulani anayepata ujumbe wetu mfupi wa kila siku, aliomba msaada kwa ajili ya imani yake iliyokuwa inafifia. Alitaka iwe imara kila wakati. aliomba, asaidiwe na afundishwe namna ya kuimarisha imani yake.  Kwa hiyo tunataka kuanza kumjibu kwa siku kadhaa na inaweza kusaidia hata imani yako iimarike pia! 

Kweli, Mungu anajishughulisha na swala la kukuza imani yako ndani yake, kabisa! Lakini kwa kufanya hivyo, anahitaji ushirikiano wako (na wangu pia).  Kwa sababu kuna mambo tunayoyafanya, wewe na mimi yanayosababisha imani zetu zififie. 

Waebrania 12:1  Basi na sisi pia, kwa kuwa tunazungukwa na wingu kubwa la mashahidi namna hii, na tuweke kando kila mzigo mzito, na dhambi ile ituzingayo kwa upesi; na tupige mbio kwa saburi katika yale mashindano yaliyowekwa mbele yetu.   

Imani kubwa ya wale waliotutangulia na wale wanaotuzunguka, inatakiwa ihimize imani yetu pia. Safi kabisa, ndivyo inavyopaswa kuwa.  Lakini kuna sharti moja: 

Tuweke kando kila mzigo mzito, na dhambi ile ituzingayo kwa upesi. 

Je! Unabeba mzigo gani unaokukwamisha?, Je! Ni dhambi gani unayoushikilia inayosababisha uanguke? Kuachana na mambo yanayopinga imani yako, ni hatua kubwa yenye maana katika swala la kuimarisha imani yako.  

Hili ndilo Neno la Mungu safi na lenye afya kwa ajili yako leo.