Jua ikiwaka vizuri inasisimua mtu, si kweli?  Sijui kama umewahi kujiuliza kwa nini?  Kwa nini tunapendelea jua kuliko mvua; upepo mwanana badala ya upepo wa baridi?

Jambo kubwa kwetu kwa mtu anayetaka kununua nyumba, ni kuangalia nuru ya asili inatokea wapi.  Kama unaishi kusini sana mwa ikweta, inatakiwa sebule inangalie kaskazini.  Kama unaishi kaskazini sana mwa ikweta, inatakiwa sebule iangalie kusini.

Mimi na mke wangu tulichangia chakula na marafiki hivi karibuni na walikuwa wanatusimulia jinsi mzazi wao mmoja mzee alikuwa anahama-hama kutoka chumba kimoja kuelekea kingine mchana akifuata mwelekeo wa jua.

Kwa nini tunapendelea nuru?  Sijui lakini ndivyo tulivyo!  Na bila shaka, siku zenye giza na dhoruba maishani, wakati mambo hayaendi vizuri kama tulivyotazamia, kupata nuru nusu angalau, ingependeza sana, si kweli?

Na ni kwa maana hiyo kabisa Yesu alikuja hapa duniani … kwa ajili yako.

Yohana 1:14  Naye Neno alifanyika mwili, akakaa kwetu; nasi tukauona utukufu wake, utukufu kama wa mwana pekee atokaye kwa Baba; amejaa neema na kweli.

Yohana anamtaja Yesu kuwa “Neno” – logos kwa lugha ya asili ya Kiyunani.  Mungu akinena nasi kwa kufunika utukufu wake ndani ya mwili wa mwanadamu, utukufu halisi wa Mungu Mwenyewe, nuru inayoshangaza kupita jinsi ingeweza kuelezwa kwa maneno.

Mungu alikuja ili wewe na mimi tuweze kuona utukufu wake, utukufu wa Mwana pekee wa Mungu, amejaa neema na kweli.   

Hili ndilo Neno la Mungu safi na lenye afya kwa ajili yako leo.