Leo ni siku ya kuamkia Krismasi.  Ni muda wa kutafakari na kujiuliza swali.  Kwa sababu siku ya leo inadai jibu la swali hili:  Je!  Kesho nitasherehekea nini?  Je!  Ni mapokeo ya familia au ya dini, au kuna zaidi?

Kwa kweli, mimi siwezi kujua mawazo yako ya leo yahusuyo Krimasi; kama unaamini au la…

Jana tulisimulia ukweli kwamba watu wengi sana wamemkataa Yesu, au kwa makusudi au kwa kumpuuza tu; au kwa kufikiri kwamba habari zake zote ni hadithi tu … au kwa kuzembea no kutokumjali wala kujali kazi aliyokuja kuifanya.

Labda ndivyo ulivyo … au pengine wewe ni mtu ambaye tayari umeshakabidhi maisha yako kwake Yesu; mtu ambaye moyo wako umejaa furaha tele ukisikia jina lake likitajwa tu.

Popote ulipo, dua langu ni kwamba uruhusu maneno yafuatayo, ambayo ni Neno la Mungu, yakumulikie moyoni leo hii:

Yohana 1:12,13  Bali wote waliompokea aliwapa uwezo wa kufanyika watoto wa Mungu, ndio wale waliaminio jina lake; waliozaliwa, si kwa damu, wala si kwa mapenzi ya mwili, wala si kwa mapenzi ya mtu, bali kwa Mungu.

Mara tu unapomkubali Yesu, papo hapo unakuwa mtoto wa Mungu na mambo yote – mambo yote kabisa – yanabadilika … kuanzia sasa hadi milele zote.  Ukweli huu ukusaidie kujibu maswali uliyo nayo.  

Hili ndilo Neno la Mungu safi na lenye afya kwa ajili yako leo.