Kuna jambo moja muhimu katika maisha ya mwanadamu kuliko yote, Nalo ni hili:  lazima mtu awe mkweli akijikagua,  Kujihoji na kujiona kama tulivyo hadi sasa.

Haujambo?  Mimi ni Berni Dymet ninakukaribisha kwenye hiki cha NENO SAFI NA LENYE AFYA.    

Uwezo wa kujitathimini na kutathmini mazingira yetu pamoja na mwitikio wetu kwa mambo kadhaa wa kadhaa, kwa kweli ni kipawa kinachotoka kwa Mungu mwenyewe.  Hakuna kiumbe kingine hapa duniani awezaye kujihoji kama mwanadamu.

Lakini mara nyingi, ni kipawa tunachokipuuza, tukiishi kila siku kama kawaida, tukilala na kuamke alafu asubuhi tunayarudia mambo  yale yale.

Kila asubuhi tunajiangalia kwenye kioo.  Lakini ni lini twaweza kutulia na kutafakari kinachoendelea mioyoni mwetu?  Kwa nini moyo wangu uko hivi?  Je!  Ningewezaje kuishi tofauti na kuwa na mwitikio ulio bora kuanzia leo?  Hmm?

Mithali 27:19  Kama uso ufananavyo na uso katika maji; kadhalika moyo wa mtu humwonyesha alivyo.

Kuna hatari wakati mtu anapambana na maisha ya kila siku. Miaka nenda rudi hadi sasa imekuwa ni tabia sugu.  Lakini tukumbuke kwamba yote tunayofanya na tabia yetu … yote yanaanzia moyoni.

Moyo wa mtu humwonyesha alivyo.

Sasa, niambie.  Je!  Wewe ni mtu wa namna gani?  Umebadilika kuwa mtu wa namna gani?  Je!  Hivyo ndivyo unavyotaka uwe?  Je!  Hivyo ndivyo unavyotaka kuishi?  Yatafakari maswala hayo.  

Moyo wa mtu humwonyesha alivyo.

Hili ndilo Neno la Mungu safi na lenye afya kwa ajili yako leo.