Ninajiuliza, ukiangalia nyuma maishani mwako, ni yapi ambayo yamekutengeneza na kukubadilisha uwe mtu kama ulivyo leo?  Ni watu gani, mahusiano gani, mazingira gani hata majaribu pamoja na baraka gani ambavyo vimekufinyanga?

Watu wengi wanasumbuliwa na tatizo la kujiona kwamba hawafai kwa sababu ya jinsi walivyotendewa wakati walikuwa wadogo.  Walionusurika kutoka kwenye mazingira ya dhuluma bado wanayo majeraha yanayowaathiri.  Bila shaka kuna mahusiano mengi yasiyofaa pamoja na matukio mabaya yaliyowabadilisha hawa watu.

Kwa upande mwingine, mtu aliyekulia katika nyumba salama akiwa na wazazi wanaompenda – hajailishi kama ni matajiri au maskini – bila shaka atakuwa na mtazamo tofauti kabisa ya ulimwengu na nafasi aliyo nayo ndani yake.

Kwangu mimi, ilikuwa mchanganyiko.  Wazazi wazuri sana, nyumba salama, elimu nzuri, lakini nilikuwa na kiburi kupita kiasi, kiburi ambacho kiliweza kuharibu kabisa sehemu kubwa ya ujana wangu.  Lakini hatimaye, siku moja yenye giza nene, yaani siku mbaya yenye upweke na maumivu makubwa, Yesu alinionekania na mambo yakaanza kubadilika.

2 Wakorintho 3:18  Lakini sisi sote, kwa uso usiotiwa utaji, tukiurudisha utukufu wa Bwana, kama vile katika kioo, tunabadilishwa tufanane na mfano uo huo, toka utukufu hata utukufu, kama vile kwa utukufu utokao kwa Bwana aliye Roho.

Wakati utukufu wa Mungu unaangazia moyoni mwako kupitia Yesu, Mwana wake Mungu, utukufu wake utakubadilisha; utakuponya; utakujaza nuru na raha na furaha na amani kwa jinsi isiyoweza kuelezeka.  Halafu kadiri utakavyomsogelea Yesu, ndipo atazidi kukubadilisha, kutoka utukufu hadi kiwango kingine cha utukufu.

Yesu anabadilisha kila kitu.

Hili ndilo Neno la Mungu safi na lenye afya kwa ajili yako leo.