Kuwa na mke mmoja tu ni mchango mkubwa sana Ukristo ulioweza kuziletea jamii tunazoishi leo.  Kuwawajibisha wanaume kuonyesha upendo, kuhudumia wenzao na kujithibiti na kuwa na kiasi katika swala la mahusiano na wanawake, kwa kweli kumeleta mafao mengi sana.

Ni kweli, mambo hayajatimilika bado kuhusu uhusiano kati ya wanaume na wanawake.  Katika nchi nyingi, wanawake hawalingani na wanaume – kwa malipo na kwa njia nyingine nyingi tu.  Pia, kuna wanaume wengi hawajajifunza kuwa na kiasi, hawajakuwa na hekima ya kuwatendea wanawake kwa upendo na heshima, kama vile Mungu alivyokusudia tangu mwanzo. 

Wiki hii tumepitia mistari inayoeleza namna wazee wanaume na wazee wa kike wanavyopaswa kuwa vielelezo vya kuigwa na kufundisha vijana waume na wanawake namna wanavyopaswa kuishi. 

Tito 2:6,7  Vivyo hivyo na vijana waume uwaonye kuwa na kiasi; katika mambo yote ukijionyesha wewe mwenyewe kuwa kielelezo cha matendo mema, na katika mafundisho yako ukionyesha usahihi na ustahivu. 

Upende, usipende, kwa kawaida, wanaume wana nguvu kuliko wanawake, kitu kilichosababisha wanawake kuishi kwenye mazingira hatarishi na ya ukatili kwenye karne za awali, – kwa hizuni bado katika sehemu kadhaa na katika ndoa kadhaa za wakati huu kinatumika. 

Kwahiyo, hata kama Maandiko yaliandikwa miaka 2000 iliyopita, kufundisha vijana waume kuwa na hekima bado ni muhimu sana kama ilivyokuwa wakati ule.  Ninyi wazee muwe vielelezo vyao.  Inatakiwa muwafundishe vinana namna wanavyotakiwa kuwatendea wanawake. 

Laiti sisi wanaume wazee, kwa kutumia mifano yetu mizuri, tungeweza kuwafundisha taratibu, vijana wetu kwa upole na kwa uthabiti kuwa wenye busara, waaminifu na wastahivu – tungebadilisha dunia hii kwa kweli!  

Hili ndilo Neno la Mungu safi na lenye afya kwa ajili yako leo.