Ungenzenjani mangase ungazelele kwakho noma kini usesidlweni kuvese  kutheleke usaziwayo ,odumile ovelele ezweni ,azokuba nawe esidlweni ? Ngixoxele ungenzenjani nje?

Ngake ngezwa omunye okwezokusakaza eBrithani ethi u- Prince Charles (engakabi yinkosi yamaNgisi) wake wacela   ukuzothwitha itiye naye  kwakhe .Uthi kwakungubutasatasa endlini  kulungiswa ukuthi kuzofika uMtaneNkosi kumele konke kube sesimweni esihle .        

Uthi lwaluthi gqi gqi uvalo nkashana emvulela isicabha sangaphambili ukuba angene ,sebehleli lwalokhu luthi gqi kodwa azehlise ukuze abukeke ezolile .Kuwukuhlonishwa okukhulu  ukuhanjelwa ngowakomkhulu akwandele bani ,angithi ?!

Izolo besikuLevi umqoqintela owayejivazwa ngabezwe lakubo ,nokho ngomfutho omkhulu wabizwa nguRabbi uJesu ukuba amlandele . Yazi ,futhi lendaba iyashuba ngoba …

NgokukaMarkhu   2:15-17 Kwathi ehlezi ekudleni endlini yakhe, abathelisi abaningi nezoni bahlala noJesu

nabafundi bakhe; ngokuba babe baningi, bamlandela.  Khona ababhali babaFarisi bembona edla

nezoni nabathelisi bathi kubafundi bakhe: “Yini ukuba adle nabathelisi nezoni na?”  UJesu ekuzwa

lokho wathi kubo: “Abaphilileyo abadingi inyanga, ngabagulayo bodwa; kangizelanga ukubiza abalungileyo kodwa izoni.”

Yebo uJesu wayehlala ahlale aphile  nabalahliwe nezoni,izidakwa ,abaqwayizi nabaningi .Kodwa wayengezele ukubakitaza kwabakwenzayo nxa ehleli nabo ,kumbe ukumukela izono zabo ,cha.

Ngoba kwakuthi uma sekuphetha  ukuhlala nabo ,kwakuphela ukuhlanganyela bengesekhona lokhu abaqale  beyikho ,bengasezona izidakwa namayengandoda .

Ubukhona bukaJesu esidlweni kungaguqula impilo ngokuphazima kweso .Yebo impilo yakho shlobo sami .Okwakho ukuzidela umlandele phaqa.

Yilo kanye iZwi likaNkulunkulu leli … Eliza kuwe li-Fresh namhlanje.