UKhisimusi okuyinto esiseduze ,yisikhathi sokugujwa ndawonye nabangani kudliwa izibiliboco o-jelly no custard .Kodwa kunomngani oyedwa esingavamisi  ukumumema esidlweni abe khona naye .

Sewake wahlamukwa wajikelwa ngumngane ? Kuyinto embi ebuhlungu .Ngingakutshela ukuthi amanye amanxeba asabhibha kimi namanje awokudayiswa ngumngane .

Futhi kwathatha iminyaka eminingi kakhulu ukuba siphole lesilonde ,nanamanje ihlale ibe khona iminjunju yezinhlungu zaso .

Eqinisweni sonke simdayisile uNkulunkulu ngemicabango yethu ,ngamazwi nangezenzo . Ngakho ukulapha ubudlelwane bethu kwabiza ukuba kwehle yena uqobo eze emhlabeni wethu ,azothwala izilonda zethu .Njengokuba sibonile izolo   …

KwabaseRoma  5:9  Ngakho kakhulu sesilungisisiwe ngegazi lakhe,

siyakusindiswa ngaye olakeni

Njengokuba u-Isaya umphrofethi wabhala ndulo ndulo ukuthi ngemivimbo yakhe saphiliswa .Kodwa ngani empeleni ? 

Kwakuyiphi inhloso ekugcineni kwakho konke uNkulunkulu ayenayo  ngalokho ?

KwabaseRoma  5:10.  Ngokuba uma sathola ukubuyisana noNkulunkulu ngokufa kweNdodana yakhe sise yizitha, ikakhulu siyakusindiswa ngokuphila kwayo sesitholile ukubuyisana.

Inhloso kaNkulunkulu okuseyiyo futhi namanje ngukuba sibuyisane naye ;ukusisondeza eduze kuye ,ukuqeda uklayeko  ngokususa izono zethu ngoJesu abe ngumhlatshelo kulesosiphambano ….ukuze sibe ngabangani abahlobo  bakhe  .

sathola ukubuyisana noNkulunkulu ngokufa kweNdodana yakhe sise yizitha

Ungalokothi ukhohlwe ngukumema lomngani esidlweni .

Yilo kanye iZwi likaNkulunkulu leli … Eliza kuwe li-Fresh namhlanje.