Kulempilo eyodwa kuphela ukuyiphila kulomhlaba ,impilo okubukeka inyelela  iphele emehlweni masisha ,ngeke uyiphile impilo enhle nengcono kakhulu uma kungukuthi usaphila otweni lokuhlala uhlala njalo ukhathazeke ngalokhu nalokhu ,ube  ngumahlale ebala ngengqondo ngisho nala khona izinto zizolile kodwa wena  awukhululeki uhleze ubalisa ….

Yingakho izolo kule series encane ekhuluma ngokuphila kangcono impilo yakho, amehlo  besiwathe njo ekuzithibeni nasekukhuthazeleni .

Noma ngabe ugijima ngesivinini empilweni ,kumbe uhleli ekhoneni ubala  lokhu nalokhu ,isipho sikaNkulunkulu sokukhuthazela sineqhaza elinamandla okuzolisa ingaphakathi lomoya wakho .

Ngesinye sezipho ezinkulu kulabo abakholwa nguYe :

2 EkaPhethru  1:3,5-6 Njengokuba amandla akhe obuNkulunkulu esinikile konke okuqondene nokuphila nokumesaba uNkulunkulu ngokumazi yena owasibiza

ngenkazimulo nobuhle bakhe……ngalokho

nengezela inkuthalo yonke nelekele ubuhle ekukholweni, nasebuhleni ukwazi, nasekwazini ukuzithiba,nasekuzithibeni ukukhuthazela, nasekukhuthazeleni ukumesaba uNkulunkulu

Kubukeka sengathi kimi ngeke ube sekumesabeni uNkulunkulu uma ungakuvumele ukuthula kwakhe ,ukukhuthazela nokubekezela kwakhe kubuse enhliziyweni yakho .

Ngoba uma unalokho kuthula uma wazi ukuthi ukuphe khona [ngokweqiniso asevele usekwenzile]kwenza ukuba inhliziyo yakho ilangazelele ukumlandela uJesu nomaphi lapho ekuholela khona .

Yilokho ukumesaba nokuzinikela kuNkulunkulu okuyikho .Kubukeka kanjalo nembala .

Uyafuna ukuphila impilo yakho ngokungcono kakhulu ? Ngempela !  

Ngalokho yengezela inkuthalo yonke welekele ubuhle ekukholweni, nasebuhleni ukwazi, nasekwazini ukuzithiba,nasekuzithibeni ukukhuthazela, nasekukhuthazeleni ukumesaba uNkulunkulu

Yilo kanye iZwi likaNkulunkulu leli … Eliza kuwe li-Fresh namhlanje.