Ithemba eliyimfihlo sonke esiye sihlale kulona ngukuthi uma simlalela uJesu ,uzosibusisa  ngokwendlela esithanda ukubusiswa ngayo .Sibe ngabaphilile emzimbeni ,abanothile ngemali ,nabanobuhlakani .Yilona themba esiba nalo lelo bandla .

Kodwa ndlelana thizeni ekujuleni kwethu ngaphakathi sinovalo lokuthi ngeke kwenzeke ngendlela esifisa ngayo ; ukuthi izinto ezimbi zisazoqhubeka zisehlela ebese lokho kumlandela kwethu uJesu kube sezeni . Kuyi-risk ukumlandela uJesu ngakho sibheka silindele umvuzo. Futhi okumangazayo ngukuthi mina nawe siyazi ukuthi izinto ezimbi ziyenzeka .Abanye abantu baye bathathe uJohane umbhabhathisi abe yisibonelo ,owahlukumezeka kakhulu ,nakuba enze konke okuhle . 

NgokukaMathewu  14:6-10Kepha ngosuku lokuzalwa kukaHerode indodakazi kaHerodiya yasina phambi kwabo, yamjabulisa uHerode, kwenzeka ukuba ayithembise

ngesifungo ukuyipha lokho engakucela. Yona isifundisiwe ngunina yathi: “Ngiphe lapha ngoqwembe

ikhanda likaJohane uMbhapathizi.” Inkosi yadabuka, kepha ngenxa yezifungo zayo nangenxa

yababehlezi nayo ekudleni yayaleza ukuba inikwe,  yathuma yamnquma uJohane ikhanda etilongweni. Ikhanda lakhe lalethwa ngoqwembe, lanikwa intombazana; yaliyisa kunina. Kwafika abafundi

bakhe, bathabatha isidumbu, basimbela; baya bambikela uJesu.

UJohane uMbhabhathisi wamlalela uNkulunkulu ngokugcwele kodwa nakuba kunjalo uNkulunkulu wavuma ukuba aqunywe ikhanda uJohane .Ngakho ithini impendulo ? Impendulo nebala ayikho ebukhencekhenceni bezinto ezikhalakahle zalomhlaba ezikitazayo .Lutho .Ukuthokozisa uNkulunkulu kumele kube ngumvuzo ngokwakho ngokuzimele .Akasikweleti lutho uNkulunkulu . 

Ingcebo yokuthokozisa uNkulunkulu inkulu kakhulu kunokhencekhence bakulomhlaba .

Yilo kanye iZwi likaNkulunkulu leli … Eliza kuwe li-Fresh namhlanje.