Intshisekelo yokucatshangwa kahle yimfihlo abaningi ebadlayo ezinhliziyweni  zabo ukuyilambela .Kaningi izwakala isiqhumbuka ngamagama ,ngokuziphatha kwethu ….futhi kulesosigaba asisho kusuke kungasekuhle .

Kukhona yini okungalungile ukulubekela ukuba ngophambili kokwenzayo ,ekubeni ngowinayo entweni ethile ?  Hle hle cha.Kuhle ukuphumelela.

Kodwa uma sifuna ukuwina ukuze kube khona olahlekelwayo ,uma sifuna ukugibela intaba ngokuthi sihambe sigxoba abanye  ,uma kunjalo  kubi impela .

Sewake waba nayo leyontshisekelo ? Sewake wafuna ukudlula  lo nalo emsebenzini ,ohlale njalo  efuna ukuziveza engcono phambi komqashi? Kumbe ufune abantu babone ukuthi u-smart kunabanye abantu ,futhi ubukeka kangcono ?

Uma unalololubekelo ufuna ukulugcina luyimfihlo  .Okuyilokho kanye okwabe kuqhubeka kulendaba elandelayo :

NgokukaMarkhu  9:33,34 Base beza eKapernawume. Kwathi esengene endlini, wababuza wathi: “Beniphendulana ngantoni endleleni na?” Kepha bathula, ngokuba bebekhulumisene endleleni ngokuthi ngubani omkhulu.

Kungani abafundi bengamphendulanga ? Ngoba ekucaceni kwalokhu abase bekuzwile bakubona kuJesu njengamanje ,babazi ukuthi lokhukuziphatha kokuqophisana ngobukhulu kwabe kuwukuziphatha okushayisana ngamahloni .

Ake ngikubuze ,ngakube unayo lemfihlo kuwe ngaphakathi yokufuna ukuba mkhulu ngenani lokulahlekelwa kwabanye ? Ngoba asivumelane la kuletha amahloni .Yingakho kuyimfihlo .

Yilo kanye iZwi likaNkulunkulu leli … Eliza kuwe li-Fresh namhlanje.