Lolusuku lwangomhlaka 13  ngokwesiko lwaseNtshonalanga bakholelwa ngukuthi lusuku oluletha amabhadi .Noma ngabe ungowakuphi ,yonke indawo kunezinkoleloze zakhona  esezibe khona  amakhulukhulu eminyaka  ,ukukhala kukathekwane udabule ekhaya kuthiwe ibhadi kumbe kuzikhalele amankankane nje ahetshezwe ezindizela .

Uma ucabangisisa kahle uthola ukuthi izinkoleloze zinezimpande zazo ekwesabeni .Futhi ukwesaba kungemonye wemizwa engemihle ,imvamisa kumsuka wakho usebubini –yebo hhayi konke ukwesba ,kodwa ikakhulu loluhlobo esikhuluma ngalo lapha .

Akukucabange lokhu ,ukwesaba akudalwa wuthando ,isihe ,izibele ,ukwenza okuhle,kodwa nakanjani kuyasuswa ngububi –udlame ,indlakadla ,ukuzicabangela wena nokuningi okunjalo .

Baningi abantu besifazane abaphila ekwesabeni okukhulu bekunye nezingane ngenxa yesihluku abaphila ngaphansi kwaso emadodeni abaphathe .

Sonke siyakholwa ukuthi kunezwe lokomoya empilweni futhi liqukethe okuhle nokubi .

Manje abanye bathatha ngokuthi umqondo othi kunoSathane yinkoleloze yaMaKhrestu leyo .

Angikholwa kanjalo ngoba mawufunda ngoJesu kunezigaba eziningi kuvela ukukholelwa kwakhe ngubukhona bukaSathane  ,uSathane ophilayo nokhona   nanamhlanje oqothula ahlaphaze izimpilo zabantu nanamhlanje .

1. EkaJohane  3:8 Owenza isono ungokaSathane, ngokuba uSathane uyona kwasekuqaleni. INdodana kaNkulunkulu yabonakaliswa ngalokhu, ukuze ichithe imisebenzi kaSathane.

Shlobo sami ungamvumeli uSathane adlavaze impilo yakho .Ungamvumeli akudonsele ebubini ,ungamvumeli akulethele ubumnyama nobubi  empilweni yakho ,ngoba ikhona indlela engcono .UJesu ozile ukuzochitha imisebenzi kaSathane  empilwni yakho .

Yilo kanye iZwi likaNkulunkulu leli … Eliza kuwe li-Fresh namhlanje.