Yithi laba sesisosukwini lwesishiyagalolunye onyakeni wethu omusha .Izinto nebala seziqala ukuba ngokujwayelekile .Sonke sesibuyele enjikeleni yempilo ejwayelekile ,noma kuyini lokho okwenzayo nsukuzasa .

Kodwa ake ngikubuze ngakube ubuyele kulowomgqigqo wakho wanyekenye ukuthi izinto zizoba buthebelele zehluke kulonyaka?  

Ngumcabango oletha ingcindezi lowo,akunjalo  ?  Baye bethi uchazo lomsangano ngukwenza into eyodwa ulokhu  uyiphindaphinda ,kodwa ulindele umphumela ohlukile .

Kodwa eqinisweni iningi lethu siyacindezela ukuba lungenzeki uguquko .Kunesikali sokuzizwa  unethezekile entweni osujwayele ukuyenza  ,endleleni esesigxobe  kuyo saze sayazi ngonyawo ngisho sicimezile phezu kokuba kungalethi mehluko lokho .

Ndlelana thizeni impilo yethu ichazwa ngokokuthi siphile kanjani saqhubeka senza into eyodwa ngokuhlukile kanjani ,kwabanye uguquko ngisho luluncane kanjani luchaza ukuthi abenzi kahle ngisho lungaluncane kanjani .

Ngakho ake ngikubuze awakho amehlo uwabeke kuphi njengokuba lonyaka omusha uqala uginqilika ? 

Uzokubamba kanjani ukusondeze ukuneliseka empilweni yakho ,mhlawumbe osekube ngumuzwa obuligebe uzizwa ugengqeza  esikhathini eside phambilini  ?

Mhlampe sekuyisikhathi sokulola ukubuka kwakho manje ,uqale ubuyele ezisekelweni ubheke lokho okuyikhona khona okusemqoka .

Ake ngikubuze yikuphi okuyikho okusemqoka kuwe ?  Yini le esemqoka kunakho konke empilweni yakho  ?

NgokukaMarkhu  12:29-31 UJesu waphendula wathi: “Owokuqala ngowokuthi: ‘Yizwa, iNkosi uNkulunkulu wethu,

iNkosi, yinye. Woyithanda iNkosi, uNkulunkulu wakho ngayo yonke inhliziyo yakho, nangawo wonke umphefumulo wakho, nangayo yonke ingqondo yakho, nangawo onke amandla akho.’  Owesibili yilo: ‘Womthanda umakhelwame wakho njengalokhu uzithanda wena.’ Awukho omunye umyalo omkhulu kunale.”

Yilo kanye iZwi likaNkulunkulu leli … Eliza kuwe li-Fresh namhlanje.