Amagqubu ,inzondo ezikile enhliziyweni ,yinto endala selokhu kwathi nhlo .Kwaqala ngamhla undodana ka –Adamu no Eva uKhayini ebulala umfowabo u-Abela ,selokhu kwasukela lapho kuze namhlanje ibulala izigidi zezimpilo zabantu .

Ake ubuke e-Middle East ngisho nala ezweni lakithi e-Afrika elicebile kakhulu kwizimbiwa nokuningi kwemvelo; kanjalo nenzondo yokubandlulana emazweni ahlukahlukene ikakhulukazi awabamhlophe ;inhlese embi yokuklayekana ngokwezepolitiki ,imishado eklayekile ,echitha izimpilo zezingane .

Mangase kuthiwe nje besingaxhephula inzondo ebusweni bomhlaba .Nokho sithola ukuthi iphila ezinhliziyweni zabaningi ,Okungakho uJesu washo lokhu kubantu abajwayelekile abanjengami nawe : 

NgokukaLukha  6:27-31 “Kepha ngithi kini enizwayo: Thandani izitha zenu, nenze okuhle kwabanizondayo, nibusise abaniqalekisayo,

nibakhulekele abanidumazayo.  Okushaya esihlathini, mnike nesinye; nokwaphuca ingubo,

ungamnqabeli nebhantshi.  Muphe yilowo nalowo ocela kuwe; nokwaphuca okwakho, ungabuyi ukubize kuye. Njengalokhu nithanda ukuba abantu benze kini, yenzani njalo kubo.

Yiyona ndlela kuphela eyiselapho esinsonsothayo enzondweni .emlandwini woluntu lonkana : yenza okuhlukile kulomuzwa ufika ngokwemvelo mawubhekene nenzondo .

Ngiyakuthanda okwashiwo yi-social worker nesifundiswa saseMelika u- Brené Brown wathi : Abantu banzima uma bezivalele bodwa .Wena sondela ngena kubo .Khuluma iqiniso ….yiba ngumuntu ebantwini .Xhawula ngisho nongamazi .Uqinise izandla emahlombe abo ubaxhawule ngezandla ezintofontofo .

Thandani izitha zenu, nenze okuhle kwabanizondayo.

Yilo kanye iZwi likaNkulunkulu leli … Eliza kuwe li-Fresh namhlanje.