Iningi lethu ebusuku bayizolo silale embhedene ensofonsofo ,sinophahla phezu kwamakhanda ethu  nokudla eziswini zethu .Iningi lethu ,kodwa hhayi sonke kithina .Uyabona yini ukuthi ukuba nalezizinto singakuthatha kancane nje sikwejwayele.

Ngiqagela ukuthi sonke sesike sezwa ngamadolobha ase Sodoma naseGomora ,amadolobha adilizwa nguNkulunkulu .Kwakungani? Hhiya nebala thina esiye sikukhumbule yizono zabo zokungaziphathi kahle kwezocansi .Phela angithi negama elisemthethweni ngolimi lwesingisi elisho loluhlobo lwesenzo socansi  lithi : “sodomy” elimsuka walo ukuleligama lalelidolobha iSodoma.

Kodwa ake ulalele la lakhona uNkulunkulu esho uqobo lwesono sabo ngqo .

Hezekeli 16:49Bheka nakhu ukona kukadadewenu iSodoma,ukuzidla ,nokusutha ukudla,nokuzinza okuthuleyo kwakukhona kulo nakumadodakazi alo ,kepha aliqinisanga isandla sabampofu nabaswelayo.

Kuyajulukisana ukukuzwa lokho.Ake ucabange ukuthi iningi lethu liphila esikhathini sesimanje esiphucukile.

Mina nonkosikazi sihlala kahle endlini enophahla oluhloniphekile ,ngokweminikelo esiyithola ngomsebenzi weNkosi .Kuhle lokho ,kodwa akukho lutho olutheni olubukhazikhazi .Nginesiqinisekiso ukuthi ngesikhathi ubuka izimo zakho ,mhlambe ubungesebenzise igama elithi “ocebile ”  uma uzichaza wena.

Into  thina esiye singayiboni ,yile yokuthi uma besingaqhathaniswa nosozigidigidi namazwe athuthuke kakhulu ,kulabantu abadliwa yindlala nenhlupheko ,abaswele nje amanzi okuphuza ahlanzekile ,ezempilo ezihlelekile ngokwemtholampilo nodokotela ,ngokwalababantu kahle hle sihlala ezigodlweni zobukhosi uqobo.

Sabe siyini ngqo isono seSodoma? Ngokudla  okuningi okwakuyiziduli zabasali ,nesikhathi elabe linaso siyintambo enganqamuki …

Aliqinisanga abampofu nokusiza abaswelayo

Mina nawe ,singazilandulela ndlela zonke ngaphansi komthunzi welanga  [sithi anginakho lokhu nalokhu engingakunikela ,yimuphi ngempela umehluko engingawenza?] kodwa inqobo uma sisaziba inhliziyo uNkulunkulu anayo ngabampofu ,emehlweni aKhe ayikho into esingcono  ngayo kunabaseSodoma Y.

UNkulunkulu unenhliziyo eshaya ngamandla kulabo abasweleyo abangakwazi ukuzisiza bona qobo.Kodwa thina siyakuziba konke lokho sizibizela amalahle uqobo . Yilona kanye iZwi likaNkulunkulu leli … Eliza kuwe li-Fresh namhlanje..