International
Izimpisi Ezigqoke Isikhumba Semvu
We're glad you like it!
Enjoying the content? You can save this to your favorites by logging in to your account.
2 KuThimothewu 3:1-5 Kepha yazi lokhu ukuthi ezinsukwini zokugcina kuzakuvela izikhathi ezinzima; ngokuba abantu bazakuba ngabazithandayo, nabathandimali, nabazigabisayo, nabazidlayo, nabahlambalazayo, nabangalaleli abazali, nabangabongiyo, nabahlazisayo, nabangenaluthando, nabahlebi,nabangazithibi, nabangenabumnene, nabangathandi okuhle, nabakhapheli, nabanamawala, nabakhukhumele, nabathanda injabulo kunokuthanda uNkulunkulu, nabanesimo sokumesaba uNkulunkulu, kepha amandla akho bewaphika; labo-ke wobagwema.
Uyayazi into engiyaye ngiyithole yesabisa ,isabisa lokhu kwangempela? Ngabantu abazibiza ngaMaKhrestu,abazishaya sengathi banagaMaKhrestu ngaphandle kodwa ngaphakathi uthole ukuthi bonakele lokhu okuphucukayo .Manje lokho kuyesabisa kakhulu.
Akwenzeki kudlule isonto lungekho udaba olunyantisayo ezindabeni , olushaya ibandla ngokwenzeka kulo ,kungaba ngukuhlukunyezwa kwezingane ,ukungaphathi kahle ezezimali kumbe lawomahuzu amagagu abashumayeli abakukhuthuza kuze kubhoboke iphakethe ,ude udisha konke onakho ,baze babe zinkinsela zokuzenza ezingajulukanga ,benza umsebenzi wokuba yizinkabi besebenzisa ibhayibheli ,besho behubhuza akuhlaza amanga athe bhoh ngezethembiso ezingumhwamuko wokuphulukiswa ezifweni nempumelelo abathi ithengwa kubo. Izolo sibuke uhla olude lobubi obukulomhlaba esikuwo. Namhlanje sizobuka ngenye indlela ,kodwa qaphela ijika elisekugcineni kulendaba njengokuba sesengeza iverse elilandelayo kwelayizolo:
2 KuThimothewu 3:1-5 Kepha yazi lokhu ukuthi ezinsukwini zokugcina kuzakuvela izikhathi ezinzima; ngokuba abantu
bazakuba ngabazithandayo, nabathandimali, nabazigabisayo, nabazidlayo, nabahlambalazayo, nabangalaleli abazali, nabangabongiyo, nabahlazisayo, nabangenaluthando, nabahlebi,nabangazithibi,
nabangenabumnene, nabangathandi okuhle, nabakhapheli, nabanamawala, nabakhukhumele, nabathanda injabulo kunokuthanda uNkulunkulu,
nabanesimo sokumesaba uNkulunkulu, kepha amandla akho bewaphika; labo-ke wobagwema.
Wuhla lolu lobubi bonke esibubonayo obusizungezile zonke izinsuku .Kodwa ulibonile lelikhona elisekugcineni ? UPhawuli ubhalela uThimothewu umholi amkhulisayo obheke ibandla ,umyala ngabantu abangaphakathi ebandleni .Bayizimpisi ezigqoke isikhumba semvu ,ababukeka bengcwele kunawe uma ubabuka ngaphandle ,kodwa ngaphakathi babole bayathaphuka ,wena ongafunga ukuthi lelo ngaphakathi ngeke uNkulunkulu alibone.Yizwa mina ,usevese ekade ebabona .
Nazi izinto ezimbili .Uma impilo yakho inenani elikhulu mawuyibuka ,ungalokothi ube yingxenye yalabobazenzisi okungabo ulaka lukaNkulunkulu luyakwehla.Futhi uma uficana nabo [ngoba phela la ekuphileni kuyahlangwana ezindleleni] qinisekisa ukuthi ayikho into ekuhlanganisa nabo.
Angiphinde ,yiba ngumthandi kaNkulunkulu ,hhayi ozithanda yena. Yilona kanye iZwi likaNkulunkulu leli … Eliza kuwe li-Fresh namhlanje..