Kungenye yezinto eziletha ukucikeka empilweni ukuthi uma usuthi uphokophele ukwenza into okuyiyona ,imvamisa uvese ugcine ungafinyelelanga ekuyenzeni .Mhlampe kungenzeka kuba  yimi ngedwa ? Cha ,angicabangi kanjalo .Siqala sinenhloso enhle yokwenza leyonto kodwa siphethe sehluleka . 

Ungakubiza noma ngaliphi igama –ukwehluleka,ukukhubeka uwe,isono .Igama ongalinika khona alisho lutho kakhulu ngaphezu komphumela wokugcina kuyikho .Mina nginenhliziyo yokulandela uJesu .Intshisekelo yoqobo .Ngithemba futhi kungumkhuleko wami ukuthi nakuwe kunjalo .

Futhi uma sibona ngalokho akwenza ngokufa  kulesosiphambano ukukhokha inani elabe lifunwa ngubulungiswa bukaNkulunkulu ngezono zethu ,leyontshisekelo yokumhlonipha ,ukumlandela nokumkhonza nokumsebenzela ,yebo ukumlalela kuyenza ikhule lentshisekelo . 

Futhi sikwazi kahle ngokucacile ezibhalweni ukuthi uNkulunkulu yilokho kanye afuna ukukubona kithi .Manje pho senze njani ? Senze njani uma sikhubeka ? Senze njani uma sihluleka ?  

Amahubo  37:23,24 Izinyathelo zomuntu ziqiniswa nguJehova ;uyayithanda indlela yakhe .

Noma ekhubeka akayikuwa phansi ,ngokuba uJehova uphasa isandla sakhe

INkosi nebala iyasikhombisa ukuthi siphile kanjani .Nebala uyathokoza uma esibona siphila  ngaleyondlela .Kodwa manje ake sibuke lengxenye:

Noma ekhubeka akayikuwa phansi ,ngokuba uJehova uphasa isandla sakhe.

Ulapha ,useduze kwethu ,ukulungele ukusiphasa uma sikhubeka ,ukuze singawi .Lokho kumelwe ngukuba yizindaba ezinhle ,akuzona ? 

Kubukeka sengathi kimi iphutha elikwenza uthobeke ,lelokanye elikwenza uncike emseni kaNkulunkulu ,lingcono kakhulu kune –achievement  ekwenza uphakame .

Yilo kanye iZwi likaNkulunkulu leli … Eliza kuwe li-Fresh namhlanje.