Ziningi izinto ezinhle esingasebenzisa imali yethu kuzo ezikhona emhlabeni.Eziningi izinto lezi ,uma ngingasho nje ngithi ,ngaphezu kokuba zazikhona ngisewumfana ngisakhula.Manje pho kwenzeka kanjani ukuthi abantu abathokozile manje ,okwedlula  abakuqala?

Ngake ngaba semkhuhlaneni onamandla phambilini.Umphimbo wami wawuhhadlazela ,umzimba ushisa futhi ngizizwa ngi-drained kakhulu,amandla engekho.Okwathi ndlelana thizeni ngezwa umzimba wami ulambela ubisi noju.

Okwathi ngisakuphuza lokhu ngavese ngezwa kusangathi kunomfutho ofutheka egazini.Inhlanganisela enamandla uju nobisi .Lakhona umzimba udinga into ethile e-special ,leyonhlanganisela yobisi noju inamandla.

Hle hle yi-combo le uNkulunkulu anotho alukhulumile ngayo.I

Eksodusi 3:17 Ngishilo ngathi : “Ngiyakunikhuphula ekuhluphekeni kwaseGibhithe ,nginiyise ezweni laMaKhanani,nelaMaHetti,nelaMa Amori,nelamaPherizi,nelamaHivi nelamaJebusi,izwe elichichima ubisi nezinyosi”

Akumangalisi ukuthi ngamhla uNkulunkulu ethembisa u-Israel izwe lawo ,uwuthembise izwe elichichima ubisi nezinyosi ?  Into esobala ,kodwa enhle .

Kwesinye isikhathi ngiye ngicabange ukuthi siyageja ukubona izinto ezisobala ezi-simple  ,izinto ezinhle uNkulunkulu azibeke lasikhona ukuze asinike ngazo amandla ,asibusise ngazo ,asiqinise asikhuthaze ,asiphe i-smile ebusweni.

Sithathwa yizinto esizitshela ukuthi zisemqoka ,sishwebe ukubona lezozinto ezisobala ,uNkulunkulu afuna ukusibusisa ngazo .Kungani kube kanjalo? Yini lento eyenza sifune okubukeka kukleklile kakhulu ,siye eKhemisi siyofuna ukuthenga umuthi onegama elikhulu sishiye nje ubisi noju ukulapha umphimbo wethu.

Sikwenzelani lokho ?

Angazi ,kodwa ngicabanga ukuthi kwesinye isikhathi ,sisuke sigeje nje kancane ephuzwini okuyilonalona.

Yilona kanye iZwi likaNkulunkulu leli … Eliza kuwe li-Fresh namhlanje..