Uma ubona umuntu ehamba ngokunhlanhlatha ,esesondele ekwenzeni isinqumo esizomlimaza kumbe silimaze abanye , ukumsiza abuyele endleleni akukho lula .

Izolo sikhulumile kancane ngalokhu ukuthi nguNkulunkulu yedwa okwazi ukusiza umuntu . Singaphikisana nabo kushone ilanga kodwa impakamo ekubo ibenza bavaleke izindlebe bangezwa lutho .

Kodwa kunenye into futhi ebavimbiya ukumukela ukululekwa okuhle . Yi-roadblock esuke ibekwe yithi uqobo .Ake ukucabange lokho. Kukangaki lakhona umuntu uma ekugxeka ngesihluku kabuhlungu ,la okukusize ukuba usukume ubhunkule ulungise la  agxeka khona ? Lokho kumemeza kwabo ekhanda kuwe nephimbo eliyibhubesi uqobo ,konke lokho akukusizanga . Kodwa kukhona okwehlukile :

KumaHebheru  10:24,25 Masiqaphelane, ukuze kuvuswe uthando nemisebenzi emihle,  singakuyeki ukuhlangana kwethu njengomkhuba wabanye, kepha masivuselelane, ikakhulu njengokuba nibona usuku lusondela.

Ukukhuthaza ukuveza uthando nokwenza imisebenzi emihle .Manje kunomcabango olapha .Uyathanda ukukhuthazwa? Mina ngiyathanda.Sonke siyathanda .Lesasiphukuphuku lesiya esiyotheleka eweni  silibhekile ,angikutshele ukuthi naso sakhiwe ngomfanekiso kaNkulunkulu,sineziphiwo namagalela okwenza izinto ,uma kuhlakulelwe kahle kungagcina nakuye lomuntu kugcwele uthando nemisebenzi emihle . 

Qhubeka usondele kuye .Ungakhathali. Simelwe ngukuhlala sivuselelana ,sikhuthazana .

Yilo kanye iZwi likaNkulunkulu leli … Eliza kuwe li-Fresh namhlanje..