Baye bethi amandla ayamona umuntu ,ikakhulukazi uma esezibona enamandla onke .Liqiniso lelo .Akubizi ukuqalaze kude lokho ukukukholwa  

Okuthi masubuka izwe la elikhona njengamanje ,ubone ukuthi kuliqiniso nebala  !

Ngeshwa nasemabandleni kuyenzeka . Yingakho kanti bebaningi kangaka abantu abaphoxekayo ngenkolo bengafuni nokuyizwa .Yingakho  bebaningi abantu  abamanqika ngoNkulunkulu .

Ubani obengabalahla ngecala uma sewubuka kahle ububi obehle buza bube manje kumakhulukhulu eminyaka buqhutshwa egameni lenkolo  ?

Phezu kwalezi zenzo ezinjalo kunoNkulunkulu ,othandweni lwakhe olumsulwa ,ofuna ukudlulisa amandla akhe kubantu abajwayelekile  njengami nawe .

Nangu futhi ekhuluma kubantu bakhe asebebe senhluphekweni cishe iminyaka engu 70 :

Isaya 40:28-31 Awazi yini ,awuzwanga na uJehova uNkulunkulu ongunaphakade ;udalile imikhawulo yomhlaba ;akapheli mandla akakhathali ,nokuqonda kwakhe akunakuphenywa . Nguye  omupha oyethileyo amandla ,nakongenamandla uyandisa izikhwepha .Izinsizwa ziyaphela amandla zikhathale ,nabasha bawa nokuwa,kepha abamethembayo uJehova bayathola amandla amasha ,bayakhuphuka ngamaphiko njengezinkozi ,bagijime bengakhathali ,behambe bengapheli amandla .

Shlobo sami ngikholwa ngenhliziyo yami yonke ukuthi ngumyalezo wakho lo .Esikhathini uzizwa  uyethile  ungenamandla ,linda kuNkulunkulu .Themba kuNkulunkulu .Futhi uyobuyisa  amandla akho ,uyokuphakamisa ngamandla akhe ,eze kuwe .Nakanjani Shlobo sami !  

Yilo kanye iZwi likaNkulunkulu leli … Eliza kuwe li-Fresh namhlanje.