Izindaba ezinhle zikaJesu ziza ngezingxenye ezimbili . Ukuthethelelwa kwezono zethu ngomnikelo waKhe esiphambanweni ,kunye nempilo entsha ukusuka manje uya kwingunaphakade .Ngamanye amazwi ,ukuxolelwa kwizolo ,futhi namandla emanje . 

Futhi nebala zindaba ezinhle kakhulu lezo ,akunjalo? Kodwa ngolunye usuku ngake ngafunda into eyayibhalwe kanjena: 

UbuKhrestu bamanje bubukeka bushumayela kakhulu intethelelo yayizolo ngaphezu kwamandla enamhlanje . UJesu weza hhayi ukusikhulula kuphela kodwa ukusifaka umlilo simvuthele kwinamhlanje sifeze injongo yaKhe emhlabeni !

Kuneqiniso kulenkulumo . Kuyinto ekwenza ucabange umangale ukuthi eyy  ngempela yazi sibuka igazi laKhe kuze kweqe singabe sisabuka konje ukuthi emva kwalo inhloso kwabe kuyini. Emva kwakho konke ,yisenzo sothando sengunaphakade . 

Yebo nebala simelwe ukulibuka simangale silishumayele iCalvery ,simangale ngothando olungaka lukaNkulunkulu ngalo , izinhliziyo zethu zigcwale ukutusa ,namehlo ethu agcwale izinyembezi .

Kodwa siyadinga futhi ukuthatha igxathi sisuke kuleyontaba esele yodwa siye ethuneni elisele lodwa qede sibuke uJesu ovukile ,ngoba ufuna ukusigcwalisa ngamandla . Amandla okuba ngcwele .Amandla okwenza intando yaKhe . Amandla okuthanda abanye .Njengokuba naYe wasithanda kuqala .Ubhala kanjalo umphostoli Phawuli ngamhla esesitokisini sokufa :

KwabaseFiliphu 3:10 Ukuze ngimazi yena, namandla okuvuka kwakhe, nokuhlanganyela ezinhluphekweni zakhe, ngimfuze ngokufa kwakhe

Kulelogumbi elimnyama ,uPhawuli wakhuthaza ,waqinisa ,wadumisa uNkulunkulu…ngamandla amangaka amangazayo,futhi nanamhlanje usakhuluma  uNkulunkulu nathi ngaye . 

Ngayo yonke indlela ,ithakasele intethelelo yezolo lakho onayo kuKhrestu .Kodwa njengoPhawuli engathi ungashisekela ukumazi uKhrestu namandla amvusa kwabafileyo .

Ukuze ngimazi Yena ngamandla okuvuka kwaKhe! 

Ayibongwe iNkosi !  

Yilona kanye iZwi likaNkulunkulu leli … Eliza kuwe li-Fresh namhlanje..