Mangase kuthiwe impilo ibisobala icacile ,kodwa angithi vele isobala icacile  angithi .Ingamavununundu ayiqondakali .Imizwa yenhliziyo yabantu ibanhle ibuye ixoveke.Sivamisa ukuhlala sibhekene nezimo ezigiganayo .Yebo impilo nebala isobala icacile .

Wagcina nini ukuchukuluzwa ngumuntu kumbe akulimaze ,agovuze ukuphendula  okuveza ukucikeka kuwe ,ngento ehlasela  ukushaya kwenhliziyo yakho ,asho ngesimo esasinzima owawubhekene naso ? Lokho kwakwenza wazizwa kanjani ?  

UJesu wayehlala imvama ebhekene nezimo ezinzima .

NgokukaMathewu 19:16-18 Bheka-ke, kwasondela kuye othile, wathi: “Mfundisi, ngiyakwenzantoni enhle ukuba ngibe nokuphila

okuphakade na?”  Wathi kuye: “Ungibuzelani ngokuhle na? Munye ongomuhle. Kepha uma uthanda ukungena ekuphileni, gcina imiyalelo.”  athi kuye: “Miphi na?”

Ngokuhle kumbe umbuzo omuhle lowo .Impendulo kaJesu nebala leyo ? Omunye umbuzo ,owaholela engxoxweni eyayinguwafawafa idingidwa ingaqedwa .Hle hle ngitshelwa ukuthi emavangelini omane alandisa ngempilo yakhe ;elika Mathewu,Markhu,Lukha noJohane ubuzwa imibuzo engu 187 .

Uphendula cishe engu 8 kuyo .Yena luqobo ubuza imibuzo engu 307 . Imvamisa wayexoxa imifanekiso abantu ababengayiqondi .Ngokungangabazi ,babeya ekhaya ,bekhuluma bodwa , ‘ngokwakho ucabange ukuthi ubethini umesho lokhuya’

Kunamandla angachazekiyo ukubuza imibuzo ngathi ,ngabanye abantu ,ngezwi likaNkulunkulu.Ngumkhuba ovula ukubuka ngeso lengqondo,oxukuza ugebhezi qede uvulele izingxoxo ezinde .

Njengokuba omunye wake wathi ,mhlawumbe ukholo lungokufunda ukubuza  bese uyahlala  ulalelisise ekubuzweni kwemibuzo emihle .

Ngakube impilo yakho ibizoguquka kanjani uma bewubuze uNkulunkulu eminye imibuzo yathi xaxa ,uma uhlale phansi wazindla ngayo ekukhanyiselweni yizwi likaNkulunkulu ? Ungakwesabi ukubuza .

Yilo kanye iZwi likaNkulunkulu leli … Eliza kuwe li-Fresh namhlanje.