Kuhlale kungapheli ukumangala kimi ukuthi sesibe nobandlululo olungakanani ,sazenza iqoqwana elithe qekelele .Lokhu kwenzeka kwezemidlalo .

Kulungile ke lokho.Kwenzeka kwipolitiki okuyindawo engicabanga ukulindele kuyo .Kodwa kwenzeka ngezindlela  ezingubusululu eziningi,ngezindlela ezenza abanye bakhabeke eceleni .

Uthanda ungathandi ,siyathanda ukuzichaza sizihlakunise kwabanye ngokwamazinga omnotho esikuwo .Ngamanye amazwi abacebile baphila nabacebile ;abaphakathi nendawo baphile nabanjengabo nabo ,abampofu baphila nabampofu .

Yebo zikhona izingxenye la okungabi njalo khona ,kodwa akujeqeze la okhona . Yiyona ndlela okugcina kuyiyona .

Phezu kwalokho sinomqondo wokufuna ukuqhela kubantu ababukeka behlukile kithi ,bezwakala behlukile ,abacabanga ngokuhlukile  kunathi .Nginesiqiniseko uma singacabanga ngalokho ,singazithola izibonelo zokunjalo esikwenzile nesikwenzayo ezimpilweni zethu uqobo .

Ukubona ngisho phakathi kwamakholwa ,mina ngingowesizwe esithile wena ungowesizwe esithile ,,,hhayi isizwe nje sesikhumba nolimi kodwa inqubo yakho nenqubo igcine ingubuzwe ngokwayo  isehlukanise ….size zithi kuzongisiza ukuqhela kulaba abafani nathi .

NgokukaMarkhu  9:38-41 UJohane wayesethi kuye: “Mfundisi,

sabona umuntu ongasilandeli ekhipha amademoni ngegama lakho; samnqabela ngokuba engasilandeli.”

 Kepha uJesu wathi: “Ningamnqabeli, ngokuba akakho owenza umsebenzi wamandla ngegama lami

ongasuka masinyane, akhulume kabi ngami.  Ngokuba ongamelene nathi ungakithi. Yilowo nalowo

oniphuzisa inkezo yamanzi ngegama lami ngokuba ningabakaKristu, ngiqinisile ngithi kini: Akasoze alahlekelwa ngumvuzo wakhe.

Ungasheshi ukwahlulela .Ungasheshi ukwakha izindonga .UJesu wasifela sonke  bese lithi iculo : “ wabafela abantu bonke ukuze basinde” .Lidwebele lelo  “sonke” “Bonke”.  

Yilo kanye iZwi likaNkulunkulu leli … Eliza kuwe li-Fresh namhlanje.