UJesu wenza futhi washo izinto ezabe ‘ziseceleni kabi’ ezazingalindelekile . Ngesikhathi uqhubeka ufunda ngolandiso lwevangeli lakhe awuphezi ukumangala .

Kulezinsuku besilokhu sibuka ukuthi abafundi bakhe behluleka kangakanani ukuba naye kuze kube sekugcineni kubhekwe esiphambanweni .Nembala bonke babemngungile ngesikhathi esindisa abagulayo ,ehamba emanzini ,eshumayela ngokunamandla ,wayeyi staring kubo ngiyakutshela wena  .

Kodwa ngesikhathi ifu lokumketula lase lisobala ,nezimpilo zabo sezisengcupheni ,ngesikhathi uJesu wayethethiswa icala nguPhontiyasi Pilatu babekuphi ? Babegcwele itwetwe ,bayozithi shuthe beyocasha .

UPhethru wayethembisile ukuthi uzoma noJesu kuze kube sekugcineni ,nokho kwabiza intombazana encane ,eyamqhaqhazelisa qede wamphika uJesu kathathu .

Nakuba wayazi kahle ukuthi bayizehluleki ,bazomphika futhi uyazi amagwala lawa  amngungile ,washo lamazwi :

NgokukaJohane  14:12 Ngiqinisile, ngiqinisile ngithi kini: Okholwa yimi, imisebenzi engiyenzayo mina naye uyakuyenza, nemikhulu kunale uyakuyenza; ngokuba mina ngiya kuBaba.

Wabuka wadlula ezonweni zabo.Kuye wayekwamukele ukwehluleka kwabo .Nokho khona kunjalo wayenohlelo ngabo.Uhlelo lokubamisa kahle phambi kukaNkulunkulu ngokubahlawulela izono zabo kulesosiphambano .

Uhlelo lokubabusisa ngaphezu kokungacabangeka .Uhlelo lokusebenza ngabo ngokunamandla ,ukuthi izimpilo zabo zazizoba nomthelela ezimpilweni  zabantu abangama – billion kumakhulu khulu eminyaka .

Ukwehluleka kwabo wukwehluleka kwethu .Isono sabo yisono sethu .Asehluke ngalutho ! Ngakho uma usubuka esibukweni kukodwa okubonayo yisono sakho ,khumbula lokhu .UJesu unohlelo .Izindaba ezinhle ziyeza!  

Yilo kanye iZwi likaNkulunkulu leli … Eliza kuwe li-Fresh namhlanje.