Kimi impilo  ibukeka ingumdonsiswano wentambo echaza okuhle nokubi kumacala ayo ;phakathi kokwenza okwaziyo kungokuhle ,nokwenza lokho okukitaza kuthokozise wena ;phakathi kwezintokozo zakulomhlaba namagugu asezulwini  

Into evimba abantu abaningi ukulandela uJesu yiqiniso elisobala lokuthi kunenani okuzobabiza lona ukulandela uJesu .Lokho akusona isimanga ngoba uJesu wathembisa ukuthi kuzokubiza inani.

Kunomaka abacacile  phakathi kokuhle nalokho okuthokozisa wena .Kodwa mawusubukisisa kahle ufaka izibuko uyabona ukuthi iyodwa indlela enomqondo yokuya phambili  .

NgokukaMathewu  16:24-26 Khona uJesu wathi kubafundi bakhe: “Uma umuntu ethanda ukuza emva kwami,

makazidele, athabathe isiphambano sakhe, angilandele. Ngokuba yilowo nalowo othanda ukusindisa

ukuphila kwakhe uyakulahlekelwa yikho; kepha olahlekelwa ngukuphila kwakhe ngenxa yami

uyakukufumana.  Ngokuba kuyakumsizani umuntu, uma ezuza izwe lonke, onakalelwe ukuphila kwakhe, na? Yingabe uyakukhiphani umuntu, kube yisihlengo sokuphila kwakhe, na?

Indaba esezithebeni la yimpilo uqobo lwayo ,yebo impilo manje  nephakade uqobo .UJesu ubuza  umbuzo othi kunamqondo muni ukuzuza yonke impilo kodwa ulahlekelwe ngumphefumulo wakho .

U- Billy Graham wake wayinqamulela ngokuthi  uma ingcebo ilahlekile ,akukho lutho olulahlekile ;uma impilo ilahlekile ,kukhona okulahlekile ;uma kulahleke inkambo ,kulahleke konke  

Uma ulokhu uhleli ucabangana nawe kuphela ,ekugcineni uyolahlekelwa yikho konke .  Thatha isiphambano sakho ulandele uJesu .

Yilo kanye iZwi likaNkulunkulu leli … Eliza kuwe li-Fresh namhlanje.