Angazi noma ubungahlanganyela nami ukuzikhumbuza okuthile okwadlula ,sibuyele emumva le lakhona kwakwehlela ,kwakenyukela kulezontaba ,lalishisa ilanga libalalele lithe woklo likhipha umkhovu etsheni ,lakhona amakhazi ayeshubisa umnkantsha  kungqangqazele  amazinyo kuveveze;e izindebe zomlomo ,yebo nalezokhathi kanye  lakhona konke  kwakungubuthebelele  usuthe cinco eshayamoya phezu kwentaba  .

Nansi impilo la  esikhona njengamanje ,kube wuhambo olude ,akunjalo ? Mangase kuthiwe bewuzihlele ukubhala phansi incwadi ,ngokungangabazi bewungeke ucabange  noma yini esondele kwakhona empilweni obe yiyo kwaze kwafika la .

Mhlawumbe uyiphilele yonke kungekho ngisho omncane umuzwa lo wobukhona bukaNkulunkulu .Kumbe mhlawumbe unjengami kwenzeka kuwe uphakathi nendlela .

Noma ngabe yikuphi la obe khona  ,nala okhona njengamanje ,okusemqoka kakhulu okokuthi ubhekephi njengamanje kunokukodwa okungaguqukiyo kukho konke :

Isililo  3:22-24 Ngumusa kaJehova ukuthi asiqediwe ,ngokuba ububele bakhe abupheli .Busha ekuseni njalo ;ukuthembeka kwakho kukhulu .UJehova uyisabelo sami ,usho umphefumulo wami ;ngakho ngiyakwethemba kuye .

Kuzo zonke lezozikhathi ezimbi nezimnandi noma ngabe sikuqaphelile  lokho noma cha kodwa esikwaziyo iso  likaNkulunkulu belilokhu  linathi .

Ubenathi noma ngabe bekumakhaza lishisa kanjani ,noma ngabe zazikhanya zimnyama kanjani lezonsuku .

Wathokoza nathi ezinsukwini ezinhle ,noma  ngabe  sasingakwazi .Wayezwela kunye nathi la esasilila khona .

Futhi njalo ekuseni kungakhathalekile ukuthi usuku lwangayizolo lwaluquketheni ,wenza ukuba ilanga liphume likhanye kithi .Umusa wakhe wawumusha njalo ekuseni .Kukhulu ukuthembeka kwakhe .

Ngakho ngesikhathi usabheka phambili ,yazi lokhu : UJehova uyisabelo sakho  ,ngakho uyakwethemba kuye .

Yilo kanye iZwi likaNkulunkulu leli … Eliza kuwe li-Fresh namhlanje.