UNkulunkulu unalento yokuthatha izinhlekelele zethu ezinkulu aziphendule ukunqoba okukhulu. Futhi ayikho inhlekelele enkulu kunokubuka umzimba kaJesu oligobolonde ungasenamphefumulo ulenga kulesosiphambano. 

Yiyiphi inhlekelele enkulu eseyake yakwehlela ? Leyanto eyodwa eyayisho ukukuklaya phakathi? Mhlawumbe ngikhuluma nje uphakathi kuyo  njengamanje .Akuwubambe lowomcabango ngesikhathi sisangena ekubukeni  inhlekelele enkulu kunazo zonke  :

NgokukaJohane  16:19,20UJesu wazi ukuthi bebethanda ukumbuza, wathi kubo: “Niyabuzana ngalokho engikushiloyo ukuthi: ‘Kusezakuba yisikhashana ningabe nisangibona kubuye kube yisikhashana ningibone,’ na? Ngiqinisile, ngiqinisile ngithi kini: Niyakukhala nilile nina, kepha izwe liyakujabula; niyakuba lusizi nina, kepha usizi lwenu luyakuphendulwa lube ngukuthokoza.

Itulo lokuketula kubulawe uJesu labe liyinto eyayikhathaza kakhulu izingqondo zabafundi bakaJesu .Babegcwele ukwesaba okukhulu ngakho kwakutwetezela amathumbu uma belicabanga .

Futhi uyabona ukuthi ngamhla sekwenzeka ngempela ,kwaphela nasozwaneni kubo .Balila .Njengokuba nami nawe sililile ezinhlekeleleni ezisehlele empilweni  kuleminyaka . 

Kodwa ezinyembezini ,ezinyembezini zethu  …ezinyembezini zakho ,lowo kanye owayezobethelwa esiphambanweni ukhuluma lamazwi  :

Ngiqinisile, ngiqinisile ngithi kini: Niyakukhala nilile nina, kepha izwe liyakujabula; niyakuba lusizi nina, kepha usizi lwenu luyakuphendulwa lube ngukuthokoza.

Yilo kanye iZwi likaNkulunkulu leli … Eliza kuwe li-Fresh namhlanje.