Ngingakubuza namhlanje ukuthi ukhaliphe kangakanani  ? Ngesikhathi usabuka emumva empilweni yakho ,sewulandele kanjani endleleni yabahlakaniphile ?  Mhlawumbe wenze kahle kakhulu .

Hleze njengami ncimishi ,engangena  kuleyondlela kaningi kodwa imiphumela yaba yincithakalo .

Inhlakanipho yinto exakanayo .Inhlakanipho kungenzeka ihluke enhlakaniphweni yakho –emva kwakho konke singabantu abahlukene  futhi ababhekane nezinto ngokwahlukene ,sinemumva elehlukene ,amasikompilo ehlukene  imbala .

Futhi njengokuba inhlakanipho idala ikhulisa  i-experience ethile ekuphileni ,mina nawe lokho kungenza sibe nokubeka okuhlukene mase kuziwa ochazweni lwayo .

Ngisemusha kakhulu ngangizitshela ngikhaliphile ngihlakaniphile .Mangase kuthiwe wawunginike  ukubala ngokwe score esisuka ku 0-siya ku 10 ngangizonika u 8 ½ … okuluphawu impela olusho ukuthi ngangihlakaniphile  kodwa hle hle ngangikhukhumele .

Kodwa emva kwalokho ngeza ngahaqazela ,ngawa ngobuso bami ….okwathi ngisesimweni esasinzima empilweni yami kulapho kanye engathola inhlakanipho eyabhubhisa yaqeda nya inhlakanipho yami yasemhlabeni  :

1 KwabaseKhorinte 1:18,19 Ngokuba izwi lesiphambano kwababhubhayo lingubuwula, kepha kithina esisindiswayo

lingamandla kaNkulunkulu. Ngokuba kulotshiwe ukuthi: “Ngiyakuchitha ukuhlakanipha

kwabahlakaniphileyo, nokuqonda kwabaqondileyo ngikwenze ize.”  Siphi isazi na? Uphi umbhali na?

Uphi umphikisi walesi sikhathi na? UNkulunkulu kakwenzanga kube yize ukuhlakanipha kwaleli zwe na?

Ngisho singazitshela sikhaliphe sihlakaniphe kangakanani ,noma ngabe sibe  nokuzitshela kungubuwula obungakanani lendaba yobuKhrestu ,inhlakanipho kaKhrestu ,ukuzinikela kukaNkulunkulu uqobo ukusindisa abantu abanjengami nawe ,kungamandla ,amandla kuphela  angasisindisa  oqobweni lwethu asisindisele ingunaphakade lonke .

UJesu uguqula konke .

Yilo kanye iZwi likaNkulunkulu leli … Eliza kuwe li-Fresh namhlanje.