LaMaKhrestu akhuluma okuningi ngezindaba ezinhle ngoJesu  Khrestu .Kuhle lokho.Kodwa manje ziyini ingempela izindaba ezinhle ? Kungani kungamele kube nomuntu ozolokhu ezikhathaza ukuqaphelana nenqubo yephasika ?

Kwiminyakanyaka yemidlalo kamabonakude sekube nokukitazeka kwababukeli uma bebuka imidlalo enamaphoyisa lakhona amaphoyisa ephetha ekwaze ukubamba lomuntu omubi obeyisigebengu ,phela ababhali bayazi ukuthi lokho kufeza inqubo yomuzwa wobulungiswa esinawo singabantu ukuthi shoo shoo labanjwa iqili.Okuthi maselibanjiwe ,livalelwe lidliwe yicala qede ligwebe ejele lokho kufezekisa ubulungiswa.

Kodwa phambilini ngake ngabuka umdlalo lakhona iqili laba uphunyuka bemphethe umdlalo uphetha lingabanjiwe .Lokho hhayi ku-wrong –ke ! Bekumele ubulungiswa benzeke ukuze lomdlalo ugoqeke ngendlela umbukeli azothi ibambe ngakho ,izikhuni zibuye nomkhwezeli .

Ngokwethu siyakuzonda ukungabikho kobulungiswa ,manje nansi indaba phela iPhasika lingesenzeko esingenabulungiswa.Umlandu oqoshiwe usilobele ukuthi uPhontiyasi Pilatu ,umbusi wamaRoma eJerusalema  wangalesosikhathi ,wanquma ukuthi sasingekho nebala isizathu sokushushisa uJesu ,singasayiphathi eyokumlahla ngecala .

NgokukaMathewu 27:20-22 Kepha abapristi abakhulu namalunga bancenga izixuku ukuba zicele uBaraba, zimbulale uJesu. Wayesephendula umbusi, wathi kubo: “Nithanda ukuba nginikhululele muphi kulaba ababili na?” Bathi: “UBaraba.”  UPilatu wathi kubo: “Pho-ke, ngimenze njani uJesu othiwa uKristu na?” Bonke bathi: “Makabethelwe esiphambanweni.”

Ngalesigebengu esasinecala ,nevukelambuso  elingumbulali ,izixuku zamemeza zathi : “mkhulule” ,kwathi ngoJesu owayemsulwa ,zamemeza zathi : “Mbethele” .

Kwagcina kume amagama ezixuku.Emva kokuthethwa kwecala kasithupha ngokunobuqili ,esikhathini esifushane esingaphansi kwamahora angu 17 ,elinye lawo lamacala elabe lithethwa yizixuku ezazicasukile,uJesu washawa,wathimiselwa ngamathe qede wabethelwa.

Kwabe kungenabulungiswa sanhlobo ku-unfair .Kodwa ngokumangazayo ku-unfair kunjalo ,uNkulunkulu wakusebenzisa lokhu-ngabikho kobulungiswa ukuze anelise izinga lobulungiswa baKhe ukuze labo abanjengami nawe ,abanecala njengoBharabha ,bakwazi ukuhamba bekhululekile .

IPhasika ngokwenqubo yomthetho li-unfair .UNkulunkulu Yena ulibiza ngokuthi umusa .UJesu ke lowo sihlobo .

Lowomusa kaNkulunkulu yiwo kanye okwazi ukuguqula impilo yami neyakho ingaphinde ifane nakuqala.

Yilona kanye iZwi likaNkulunkulu leli … Eliza kuwe li-Fresh namhlanje..