Kungokunye ukuthi uthi ; ‘Ngiyakholwa nguNkulunkulu,ngiyakholwa nguJesu,’kodwa kungokunye ngokuhlukile ukuvula izinhliziyo nezingqondo zethu ,simvulele angene, simnike imvume yokusebenza uthando namandla aKhe ngokujulile ngaphakathi kithi ..Yeebo impela yinto  ehlukile kakhulu … leyo .

Uzakwethu  uthi benonkosikazi wakhe bake bahlala endlini eyabe isiyisidala kakhulu ,abagcina nokho sebeyenze  i-renovation ,yabukeka ngokwezesimanje ,baguqula u-ceiling ,amaplangwe okwakhiwe ngawo i-floor ,namawindi ngisho nama-plug kagesi imbala nawo bakuguqula kwahambisana nokwesimanje .

Ngesikhathi kusaqhutshekwa nalomsebenzi omkhulu ngalendlu ,ingaphambili layo,  lona lalingakenziwa ,okungakho kwakuthi uma udlula ngomgwaqo uvese uzibonele inxiwa uqobo ,kodwa okwathi nje abapendayo bangafika esigabeni sokuwukupenda okokugcina ,wavese wacwebezwela wamusha sha kwaphela ukuwubuka njengenxiwa.

Ngokwabantu bonke into okuyiyo esemqoka yilokho kupendwa kokugcina kwangaphandle okwenza umehluko .Kodwa kulozakwethu uthi kubo okwabe kusemqoka wuguquko olwenziwa ngaphakathi kulendlu eyase ikhathele.

Siphila emhlabeni ovama ukubuka ingaphandle.Yilokho okusemqoka kwabakulomhlaba …..kodwa akunjalo kuNkulunkulu.Okumkhathathaza kakhulu ngukuthi kwenzekani ngaphakathi.

Ngamhla uNkulunkulu ezikhethela inkosi esebenzisa umphrofethi u-Samuweli …

1 Samuweli 16:7 …  Kepha wathi uJehova kuSamuweli  : ‘ ungabheki isimo sakhe [u-Eliyabe] nobude bomzimba wakhe ,ngokuba ngimalile ,lokhu uJehova engabukisi okomuntu ;umuntu ebheka okusemehlweni,kepha uJehova ubheka okusenhliziyweni.’

Mnikeze uNkulunkulu  imvume,mkhulule ukwenza ama-renovation adingakalayo kakhulu  kwingaphakathi ,ngoba yilokho okumqoka kuYe.Yilapho kanye phela noMoya wakhe uzohlala khona .

Yilona kanye iZwi likaNkulunkulu leli … Eliza kuwe li-Fresh namhlanje..