Akekho kithina othandayo ukuzizwa eqhubukusheka . Kwesinye isikhathi sizizwa sinyezeka uma lomuntu okhuluma nathi engovese asehle asidilike  nje . Kwesinye isikhathi kube ngenxa yokuthi lomuntu ubesitshela iqiniso elilumela phakathi enhliziyweni kithi.

Ngangikomunye umhlangano ngolunye usuku nomunye umholi wezenkolo ,ngendlela akhuluma ngayo ngobizo lwami uNkulunkulu angibizele ukukwenza kwakungenza ngichukuluzeke.Hle hle ngathuka ngamangala .Manje kukithi ukukhetha ukukwamukela ukuchukuluzwa noma qha – mina ngakhetha ukungakwemukeli . Kodwa nawe sewubile kulesisimo ,nebala akumnandi angithi? 

Ngenhlanhla enkulu ,kumbe ngokucabanga kwethu ,uNkulunkulu unguNkulunkulu wothando ,soze asifaka ekuchukuluzekeni .Ekugcineni phela singabakhethekile kuYe . Hmm.

UJesu ekhuluma nabanye abantu ,futhi azi okwakusezinhliziyweni zabo wathi :

NgokukaJohane  8:42-44 Wathi kubo uJesu: “Uma uNkulunkulu ebenguyihlo, beniyakungithanda mina, ngokuba ngafika ngivela kuNkulunkulu; ngokuba angizizelanga ngokwami, kepha yena ungithumile.  Yini ukuba ningayizwisisi inkulumo yami na? Kungokuba aninakuzwa izwi lami.  Nina ningabakayihlo uSathane, nithanda ukwenza izinkanuko zikayihlo. Yena wayengumbulali

wabantu kwasekuqaleni, akemi eqinisweni, ngokuba iqiniso lingekho kuye. Nxa ekhuluma amanga, ukhuluma okungokwakhe, lokhu engumqambimanga noyise wawo

Uma uJesu wayekhulume kuwe kanjalo ,wawuzizwa ungochukuluzekile ? Impela nembala . Kodwa uma esekubukekeni ngokungathi uyasichukuluza akungoba esenyeza . Yingoba usitshela iqiniso elilumela lithinte ukushaya kwenhliziyo ,elingephikiswe .

Futhi kufanele uma lokho kwenzeka ,kuchaza kusuke kuyisikhathi sokulalela .

Yilona nebala  iZwi likaNkulunkulu leli … Eliza kuwe li-Fresh namhlanje..