Umusa Nokuthula Makube Kini
We're glad you like it!
Enjoying the content? You can save this to your favorites by logging in to your account.
1 KwabaseKhorinte 1:3 Makube kini umusa nokuthula okuvela kuNkulunkulu uBaba wethu naseNkosini uJesu Kristu.
![](https://cwcontentserver.com/wp-content/uploads/Zulu-Images-4.jpg)
Uma uhlangana nomuntu okade wamgcina umbingelela kanjani ? Kumbe uma umhambisela incwadi [mhlawumbe kulezinsuku nge –email kumbe imessage ] uyiqala kanjani ?
IThestamente Elisha ingxenye enkulu yalo eqoqweni lezincwadi ezabhalwa nguPhawuli noPhethru ziya kubazalwane ,abanye babo ababesenhluphekweni ,abanye babenhlanhlatha ,kodwa bonke babebhekene nezinselelo ezehlukene ezimweni ezehlukene .
Yebo izimo zabo zonke zazinalokhu okukodwa okufanayo –lelizwe lakuqala lalinesihluku ,laliphethwe ngamaRoma ,liphethwe yiNkosi eyayizibona injengoNkulunkulu .
Babengenazo izinsiza zezempilo esesinazo kulezinsuku esingazinaki ubumqoka bazo kakhulu ngoba vele siyazi sinazo ,izibhedlela ezinemibhede ethofozelayo ,unakekele lwamazinyo ,ukuhlinzwa nokuningi esisizwa ngakho ,kuzo lezibhedlela kunama shower anamanzi ashisayo ,amafriji ,airconditioners ukudla nokuningi …..konke lokho babengenakho ngingasayiphathi eyesihluku sokuhlushwa kwamaKhrestu .
Nembala kwabe kuyindawo enesihluku nesikhathi esineshluku.Futhi khona kanye lapho uthola isibingelelo esasivamile kulezoncwadi zeThestamente Elidala ,esibhaleke ngalendlela esiqhamuka kuPhawuli umphostoli:
1 KwabaseKhorinte 1:3 Makube kini umusa nokuthula okuvela kuNkulunkulu uBaba wethu naseNkosini uJesu Kristu.
Esimweni lababantu ababephila kuso kwaku ngeyiwo nje umugqa lo olula njengegama esivamisa ukuqala ngalo masi –texter elithi ‘hi’.Kwabe kuyisibingelelo esinothisa inhliziyo qede silethe umuzwa wesibusiso esikhethekile ngokwesikhathi ofundayo ayedinga ukusizwa .
Futhi lomusa nalokhu kuthula khona kufika kanjani kuvelaphi kuze kubo [kuze kithi ] ? Kuvela kuNkulunkulu uBaba wethu naseNkosini uJesu Khrestu .
Yisona sibusiso leso uNkulunkulu anaso ngawe .Yilokhu akufunela wena ,khona kanye phakathi ezimweni zakho ,ezivivinyweni zakho .
Makube kuwe umusa nokuthula okuvela kuNkulunkulu uBaba wethu naseNkosini uJesu Kristu.
Yilo kanye iZwi likaNkulunkulu leli … Eliza kuwe li-Fresh namhlanje.