Sonke ngamunye sisebenzisa isikhathi eside sicabanga.Kwesinye isikhathi yimicabango emihle,kwezinye izikhathi kungabi njalo.Futhi ,uyazi ukuthi imicabango yethu isho lukhulu kuJesu ngokokuthi singobani .

Enye yezinto engihlale  ngihlale ngithanda ukuyithola kubantu yile yokuthi ingaphakathi nengaphandle labo liyefana,ukuze ngazi ukuthi lokhu engikubonayo ,yilokhu engikuthola kuye.Angimfuni umuntu ongidlalela umacashelana la.Ngifuna ukwazi ukuthi uyilokhu athi uyikho ngempela hhayi ukungikhohlisa.

Yingakho ngingenankinga nabantu abakhuluma baqonde.Yikho engikuxolelayo ukwazi ukuthi bacabanga ndlelani ,kunokuthi basho okunye ezimpondweni zamehlo ami ,kade mase bengibuka esiphundu bathi lala silaza sizokwengula.Nginesiqiniseko nawe mlaleli ungumuntu onjalo ongathandi ukukhohliswa. Kodwa manje ake sifake isicathulo kolunye unyawu,ngoba ngale kongabazane ,uma abantu besibuka,mina nawe,yilokho kanye abakufuna kithi futhi.Kodwa ngakube yilokho abahlale bekuthola njalo kithi?

UJesu wake washo lamagama alandelayo,ewasho kwiqeqebana lezihlakaniphi zabaholi bezenkolo : NgokukaMathewu 23:27 Maye kinina babhali nabaFarisi,bazenzisi, ngokuba nifana namaliba acakiweyo abonakala emahle ngaphandle, kanti ngaphakathi    agcwele amathambo abafileyo nokungcola konke!

La wavese wakhuluma waqonda ngqo ,wangaya le nale,awuboni kanjalo? Into ewukhiye la wumqondo wethu;ngokokuthi senze njani ngemicabango yethu.Awukwazi ukuqhubeka unemicabango engemihle ngomunye umuntu ,bese mawuphambi kwakhe uveze elomhlathi …ngoba kungekudala buzobanjwa ubuqili bakho.Yingoba kuzofika isikhathi lakhona  kuzovela ukuthi okungaphakathi nokungaphandle kuyangqubuzana.

Manje ngakube usisebenzisa isikhathi sakho ekucabangeni ngani?

Yilona kanye iZwi likaNkulunkulu leli … Eliza kuwe li-Fresh namhlanje..